ساغلاملىق

تۆمۈر كەملىكتىن بولغان قان ئازلىق زادى قانداق ئىش

قان بۆلۈمى ئامبولاتۇرىيەسىدە، دائىم بەزى ئاغرىقلار ئۇچراپ تۇرىدۇ، چۈنكى ئۇلار ماغدۇرسىزلىنىش، باش قېيىش قاتارلىق بەزى ئالاھىدە بولمىغان كېسەللىك ئالامەتلىرى سەۋەبىدىن، باشقا بۆلۈملەردە نۇرغۇن تەكشۈرۈشلەرنى قىلىپ، ئاخىرىدا تۆمۈر كەملىكتىن بولغان قان ئازلىقنى بايقايدۇ.

تۆمۈر كەملىكتىن بولغان قان ئازلىقنىڭ قانداق ئىپادىسى بار؟

قان ئازلىقنىڭ ئىپادىلىرى: ماغدۇرسىزلىنىش، ئاسان چارچاش، باش قېيىش، باش ئاغرىش، كۆز تورلىشىش، قۇلاق غوڭۇلداش، يۈرەك سىقىلىش، نەپەس قىسقىراش، ئىشتىھاسى تۇتۇلۇش، چىرايى تاتىرىپ كېتىش، يۈرەك رىتىمى تېزلىشىش.

توقۇلمىلاردا تۆمۈر كەملىكنىڭ ئىپادىلىرى: روھىي ھەرىكىتى نورمالسىز بولۇش، مەسىلەن: ئىچى تىتىلداش، ئاسان ئاچچىقلىنىش، دىققىتىنى يىغالماسلىق، غەيرىي نەرسىلەرنى يېيىشكە خۇمار بولۇش؛ بەدەن قۇۋۋىتى، چىدامچانلىقى تۆۋەنلەش؛ ئاسان يۇقۇملىنىش؛ بالىلارنىڭ ئۆسۈپ يېتىلىشى ئاستىلاش، ئەقلىي ئىقتىدارى تۆۋەن بولۇش؛ ئېغىز بوشلۇقى ياللۇغى، تىل ياللۇغى، تىل ئۆسۈكچىلىرى يىگىلەش، جاۋىغاي يېرىلىش، يۇتۇش قىيىنلىشىش؛ چېچى چۈشۈپ كېتىش؛ تېرە قۇرغاقلىشىش، قورۇلۇش؛

ئۇنداقتا نېمىشقا تۆمۈر كەملىكتىن بولغان قان ئازلىققا گىرىپتار بولىمىز؟

بىرىنچى، تۆمۈرنىڭ قوبۇل قىلىنىشى يېتەرلىك بولمىغانلىقتىن.

ئىككىنچى، تۆمۈرنىڭ سۈمۈرۈلۈشى توسالغۇغا ئۇچرىغانلىقتىن.

ئۈچىنچى، تۆمۈر بەك كۆپ خوراپ كەتكەنلىكتىن.

تۆمۈر كەملىكتىن بولغان قان ئازلىقنىڭ ئالدىنى ئېلىش:

بوۋاق بالىلار: تەركىبىدە تۆمۈر مول بولغان يېمەكلىكلەرنى بالدۇرراق قوشۇش، مەسىلەن: تۇخۇم، جىگەر، پالەك قاتارلىقلار؛ ياش-ئۆسمۈرلەرگە نىسبەتەن، تاماق تاللاشنى تۈزىتىش، قەرەللىك تەكشۈرۈش، پارازىت قۇرتتىن يۇقۇملىنىشنى داۋالاش كېرەك.

ھامىلىدارلار، بالا ئېمىتىۋاتقان ئاياللار: تۆمۈر تولۇقلاش دورىسى ئىشلەتسە بولىدۇ.

ھەيز مەزگىلىدىكى ئاياللار: ھەيز كۆپ كېلىشنىڭ ئالدىنى ئېلىشى ۋە ئۇنى تىزگىنلىشى كېرەك.

ياشانغانلار: ياشنىڭ چوڭىيىشىغا ئەگىشىپ ئاشقازان-ئۈچەينىڭ ئىقتىدارى تۆۋەنلەيدۇ، ئاساسىي كېسەللىكلەر بىر قەدەر كۆپ بولىدۇ، ئاسپىرىن، كىسلاتانى تىزگىنلەش دورىسى قاتارلىقلارنى ئۇزاق مۇددەت ئىستېمال قىلغاندا، تۆمۈر كەملىكتىن بولغان قان ئازلىقنىڭ كېلىپ چىقىشىدىن ئېھتىيات قىلىش كېرەك.

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى