ساغلاملىق

قولىڭىز ئۇيۇشۇپ ماغدۇرسىزلىنىپ، يول ماڭغاندا تۈز ماڭالمىسىڭىز بويۇن ئومۇرتقا كېسىلىدىن ئېھتىيات قىلىڭ!

50 نەچچە ياشلىق خۇ تاغىنىڭ سالامەتلىكى ئەزەلدىن ياخشى ئىدى، يېرىم يىل ئىلگىرى، ئۇ تۇيۇقسىز سول قولىنىڭ ئۇيۇشۇپ قالغانلىقىنى ھېس قىلدى، كېيىن ئاستا-ئاستا تۈگمىسىنى ئېتەلمەي، چوكىنى چىڭ تۇتالماي، تۈز يول ماڭالمىدى. دوختۇرخانىغا بېرىپ تەكشۈرتكەندە، ئومۇرتقا نەيچىسى ئېغىر دەرىجىدە تارىيىپ، يۇلۇننى بېسىۋالغان، ئەگەر تېزدىن داۋالانمىسا، ھەتتا يۇقىرى ئورۇنلۇق كەسمە پالەچ بولۇپ قېلىش خەۋپى بار! مۇتەخەسسىسلەر ئەگەر مۇشۇنىڭغا ئوخشاش ئالامەتلەر كۆرۈلسە، بويۇن ئومۇرتقىسىدا مەسىلە بار-يوقلۇقىنى بالدۇرراق تەكشۈرۈپ، كېسەللىك ئەھۋالىغا دەخلى يەتكۈزۈشتىن ساقلىنىشنى ئەسكەرتتى.

قولى ئۇيۇشۇپ ماڭالماسلىق

ئەسلىدە بويۇن ئومۇرتقىسىدىن چىققان مەسىلە ئىكەن

بۇلتۇر 3-ئايدا، خۇ تاغا تۇيۇقسىز سول قولىنىڭ بارماقلىرى ئۇيۇشۇپ قالغاندەك ھېس قىلدى. چۈنكى باشقا يەرلەر بىئارام بولمىغاچقا، ئۇ خاتىرجەم بولالمىدى. ئەمما ئاستا-ئاستا تەرەققىي قىلىپ ئىككى قولى، ئالقىنى ئۇيۇشۇپ ماغدۇرسىزلىنىپ، يول ماڭغاندا ماغدۇرسىزلىنىشقا باشلىدى. «خۇددى پاختىغا دەسسىگەنگە ئوخشاش.» خۇ تاغا ئەينى چاغدىكى ھېسسىياتنى ئەسلەپ: «كۆكرىكىم سىقىلىپ، ئارغامچىغا باغلىنىپ قالغاندەك بولۇپ قالدىم» دېدى. كېيىن ئۇ ھەتتا كىيىمىنىڭ تۈگمىسىنى ئېتەلمەيدىغان، تاماق يېگەندىمۇ چوكىنى چىڭ تۇتالمايدىغان بولۇپ قالغان.

يۇرتىدا، ئۇ جۇڭيى دورىسى يەپ، فىزىكىلىق داۋالاشنى سىناق قىلغان بولسىمۇ، لېكىن كېسەللىك ئەھۋالى كۆرۈنەرلىك ياخشىلانمىدى، دوختۇرخانىغا بېرىپ CT، MR قاتارلىق تەكشۈرۈشلەرنى قىلغاندىن كېيىن، دوختۇر ئۇنىڭ بويۇن ئومۇرتقىسىنىڭ «ئارقىغا سوزۇلغان تارىمۇشنىڭ قېلىنلاپ سۆڭەكلىشىش» نى بايقاپ، بويۇن يۇلۇنىنى بېسىۋېلىپ، ئېغىر دەرىجىدە تارىيىپ كەتكەنلېكىنى بايقىدى!

ئوپېراتسىيە خەتىرى يۇقىرى

گۇاڭجوۋلۇق دوختۇر قىيىن مەسىلىنى ئەپچىللىك بىلەن ھەل قىلدى

«ئۇ ئاساسلىقى 3، 4 بۆلەك بېسىلىشقا ئۇچرىغان، ئەگەر كېسەللىك ئەھۋالىدا يەنىمۇ تەرەققىيات بولسا، ھەر ۋاقىت يۇقىرى ئورۇندىكى بويۇن يۇلۇنى زەخىملىنىپ، پۇت-قوللىرى پالەچ بولۇپ قېلىشى، ھەتتا نورمال نەپەسلىنىش ئىقتىدارىدىن قېلىشى مۇمكىن». گۇاڭجوۋ تېبابىتى 3-دوختۇرخانىسى ئومۇرتقا تاشقى كېسەللىكلەر بۆلۈمىنىڭ مۇدىر ۋىراچى ياڭ بو تونۇشتۇرۇپ مۇنداق دېدى: «بويۇن ئومۇرتقىسى، كۆكرەك ئومۇرتقا نەيچىسى تارىيىش كېسىلى تۇغما ياكى چېكىنىش ئامىلى قاتارلىقلار كەلتۈرۈپ چىقارغان يۇلۇن نېرۋىلىرىنى سىغدۇرۇش يولى تارىيىپ، يۇلۇن ۋە نېرۋىلار بېسېلىپ، مۇناسىپ كلىنىكىلىق كېسەللىك ئالامەتلىرى ۋە بەدەن بەلگىلىرىنى ئېلىپ كېلىدىغان كېسەللىكلەرنى كۆرسىتىدۇ».

ئەگەر ئومۇرتقا نەيچىسىنى سۇ تۇرۇبىسى دەپ تەسەۋۋۇر قىلساق، يۇلۇن نېرۋىسى بۇنىڭ ئىچىدىكى سۇ ئېقىمىدۇر. ئومۇرتقا نەيچىسى تارىيىپ كەتكەن بىمارلارنىڭ بىر قىسمىدا تارىيىپ توسۇلۇش كۆرۈلگەن بولۇپ، ئوپېراتسىيەدە بولسا تارىيىپ كەتكەن ئومۇرتقا نەيچىسىنى كېڭەيتىش ۋە بېسىمنى تۆۋەنلىتىش مەقسەت قىلىنىدۇ. خۇ تاغامنىڭ بېسىمغا ئۇچرىغان يېرى بويۇن يۇلۇنىدا بولۇپ، مېڭە غولىغا ناھايىتى يېقىن، ئوپېراتسىيەنىڭ قىيىنلىق دەرىجىسى ۋە خەتىرى ئاز ئەمەس. خۇ تاغا يۇرتىنىڭ داۋالاش شارائىتىنىڭ چەكلىك ئىكەنلىكىنى كۆزدە تۇتۇپ، گۇاڭيى 3-دوختۇرخانىسىغا يۆتكېلىپ داۋالاندى.

گۇاڭجوۋ تېبابىتى 3-دوختۇرخانىسى ئومۇرتقا تاشقى كېسەللىكلەر بۆلۈمىنىڭ پىروفېسسورى ۋۇ زېڭخۇي كوللېكتىپى ئۇلترا ئاۋازلىق سۆڭەك پىچىقىنى ئىشلىتىپ ئومۇرتقا سۆڭىكىنىڭ ئومۇرتقا تاختىسىغا ئىچكىرىلەپ كىرىپ، نازۇك بويۇن ئومۇرتقىسى ئوپېراتسىيە ئۈسكۈنىسىدىن پايدىلىنىپ ئومۇرتقا نەيچىسىنى ئېچىپ، ئىشىكنى ئاچقانغا ئوخشاش بېسىمنى تۆۋەنلىتىدۇ؛ ئەڭ ئاخىرىدا كىچىك پولات تاختا بىلەن ئۇلىنىپ مۇقىملاشتۇرۇلىدۇ. ئوپېراتسىيەگە پەقەت بىر سائەتتىن كۆپرەك ۋاقىت كېتىدۇ، ئوپېراتسىيە جەريانىدا ئاران 200 مىللىلىتىر قان چىقىدۇ. ئوپېراتسىيەدىن كېيىن ئىككى كۈندىن كېيىن، خۇ تاغام يەرگە چۈشۈپ ماڭالايدىغان بولغاچقا، سالامەتلىكى تېزلا ئەسلىگە كېلىپ دوختۇرخانىدىن چىقتى. (پۈتۈن تاراتقۇ مۇخبىرى ۋېڭ شۇشيەن، ئىختىيارىي مۇخبىرىمىز بەي تيەن)

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى