ساغلاملىق

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

بەزىدە ئاسانلا سەمىرىپ كېتىدىغان بەدىنىڭىز سىزگە چاقچاق قىلىدۇ، ھەرىكەتنى داۋاملاشتۇرۇپ، يېمەكلىكلەرگە چەك قويۇپ، بىر ئوبدان ئورۇقلاۋېتىپ، كۆڭۈلدىكىدەك بەدەن ئېغىرلىقىغا چۈشىدىغانغا پەقەت بىر نەچچە قەدەملا قالغاندا، بەدەن ئېغىرلىقى نېمىشقا تۆۋەنلىمەيدۇ؟ ئەڭ ئاخىرقى بىر نەچچە كىلوگىرام ياغنى ئازايتىش نېمە ئۈچۈن شۇنچە تەس؟

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

بۇ خىل ئەھۋال ئورۇقلاشنىڭ «توختاپ قېلىش مەزگىلى» دەپ ئاتىلىدۇ. بۇنداق ئەھۋالنىڭ كېلىپ چىقىشى نۇرغۇن ئامىللار بىلەن مۇناسىۋەتلىك، بەزىلەر بەلگىلىك ئورۇقلاش نەتىجىلىرىنى قولغا كەلتۈرگەندىن كېيىن، ئۆزىنى كونترول قىلىش كۈچى تۆۋەنلەپ، ئاسانلا مەززىلىك تائاملارنىڭ ئازدۇرۇشىغا ئۇچرايدۇ.

يەنە بەلكىم سىزنىڭ ئورۇقلاش ئۇسۇلىڭىز دەسلەپتىلا خاتا بولۇشى مۇمكىن، مەسىلەن، توردا مودا بولۇۋاتقان« تېز ئۈنۈملۈك ئورۇقلاش ئۇسۇلى» (تاماقنى ئازايتىش)نى قوللىنىش، بۇ خىل چېكىدىن ئاشقان ئورۇقلاش ئۇسۇلىنىڭ ئۈنۈمى ناھايىتى تېز بولىدۇ، بىراق بەدەندىن كېمەيگىنى ياغ ئەمەس، بەلكى سۇ ۋە مۇسكۇل بولىدۇ. ئەڭ ئاخىرىدا تېز سۈرئەتتە قايتا سەمىرىپ كېتىشكە دۇچ كېلىدىغان گەپ.

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

ئومۇمەن ئېيتقاندا، بەدەن ماسلىشىشچانلىققا ئىگە بولۇپ، ئورۇقلاش ئۈچۈن ئىسسىقلىقنىڭ قوبۇل قىلىنىشىنى بىر مەزگىل ئازايتقاندىن كېيىن، بەدەن قوبۇل قىلغان يېمەكلىكنىڭ ئىسسىقلىقىنى ئىمكانقەدەر كۆپ قوبۇل قىلىدۇ ھەمدە ئۇنىڭدىن ئەڭ ئۈنۈملۈك ئۇسۇلدا پايدىلىنىدۇ. شۇنىڭ بىلەن بىر ۋاقىتتا، ئاساسىي مېتابولىزم نىسبىتىنى تۆۋەنلىتىپ، ئېنېرگىيەنىڭ خورىشىنى ئازايتىدۇ، شۇنىڭ بىلەن ئىسسىقلىق يەنە بىر يېڭى تەڭپۇڭ ھالەتكە يېتىپ، بەدەن ئېغىرلىقى تۆۋەنلەشتىن توختاپ قالىدۇ.

ئورۇقلاشنىڭ توختاپ قېلىش مەزگىلىگە كىرگەن-كىرمىگەنلىكىگە قانداق ھۆكۈم قىلىش كېرەك؟

ئورۇقلاش پىلانى ئىزچىل داۋاملىشىپ، بۇ خىل ئەھۋال بىر ئاي، ھەتتا ئىككى ئايدىن ئېشىپ، ھەر كۈنى ناھايىتى ئاز يەپ، چېنىقىشنى داۋاملاشتۇرسىمۇ، بەدەن ئېغىرلىقىدا ئۆزگىرىش بولمايدۇ.

ئەلۋەتتە، ئەگەر يۇقىرىقى ئىككى خىل ئەھۋالغا يولۇققان بولسىڭىز، ئۈمىدسىزلىنىپ كېتىشىڭىزنىڭ ھاجىتى يوق، چۈنكى بۇ سىزنىڭ ئورۇقلىشىڭىزنىڭ مەغلۇپ بولغانلىقىدىن دېرەك بەرمەيدۇ، پەقەت ئورۇقلاش پىلانىڭىزنى ئازراق تەڭشىسىڭىزلا، يەنىلا داۋاملىق ئورۇقلىيالايسىز.

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

بىرىنچى، ئىسسىقلىق قوبۇل قىلىشنى كونترول قىلىپ، ئوزۇقلۇق تەڭپۇڭلۇقىغا كاپالەتلىك قىلىش

يۇقىرىدا تىلغا ئېلىپ ئۆتكىنىمىزدەك، كۈندىلىك ئىسسىقلىق قوبۇل قىلىش مىقدارى بەك ئاز بولسا، بەدەندىكى ئارتۇقچە ياغلار ئەمەس، بەلكى سۇ ۋە مۇسكۇل ئازلايدۇ. شۇنىڭ بىلەن بىر ۋاقىتتا، ئاساسىي مېتابولىزم ئىقتىدارىنىڭ تۆۋەنلىشى كېلىپ چىقىپ، بەدەن ئوخشاش ئىسسىقلىق قوبۇل قىلىش سەۋەبىدىن ئىسسىقلىق مىقدارىنى زاپاس ساقلاشنى تېخىمۇ خالايدىغان بولۇپ قالىدۇ.

شۇڭا، ئورۇقلاشتا ئاز يېيىش ئارقىلىق مەقسەتكە يېتىش تەۋسىيە قىلىنمايدۇ، نورمال بولغاندا 18 ياشتىن 49 ياشقىچە بولغان قۇرامىغا يەتكەن كىشىلەرنىڭ كۈندىلىك ئېنېرگىيە قوبۇل قىلىش مىقدارى ئەرلەرنىڭ تەخمىنەن 2250 كلوكالورىيە، ئاياللارنىڭ تەخمىنەن 1800 كلوكالورىيە بولىدۇ. ھەرىكەت مىقدارى كۆپ بولغانلار ئەھۋالغا قاراپ كۆپەيتسە بولىدۇ. ئورۇقلىماقچى بولسىڭىز، كۈندىلىك ئېنېرگىيە قوبۇل قىلىش مىقدارى ئەسلىدىكىدىن 500~300 كلوكالورىيە ئازلىسىلا كۇپايە.

ئىسسىقلىق مىقدارىنىڭ قوبۇل قىلىنىشىنى كونترول قىلىش بىلەن بىر ۋاقىتتا، يېمەك-ئىچمەكنى ئازراق تەڭشەش كېرەك. مەسىلەن، يېمەكلىكنىڭ تۈرىنى كۆپەيتىپ، تەركىبىدە ئاقسىل مول بولغان يېمەكلىكلەرنى كۆپرەك يېيىش كېرەك، لېكىن GI قىممىتى بەك يۇقىرى بولغان يېمەكلىكلەرنى يېمەسلىك كېرەك (ئاساسلىق يېمەكلىكلەرنى كۆپ خىللاشتۇرۇپ تولۇقلاپ، ئىنچىكە، يىرىك ئىشلەنگەن يېمەكلىكلەرنى ماسلاشتۇرۇپ يېيىشنى تەۋسىيە قىلىمىز).

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

ئىككىنچى، يەككە ھەرىكەت ئەندىزىسىنى ئۆزگەرتىش

بەدەن ناھايىتى ئەقىللىق بولۇپ، بىر مەزگىل يېڭى ھەرىكەتكە ماسلىشىدۇ. ھەرىكەتكە پىششىق بولغاندىن كېيىن ئىسسىقلىق سەرپىياتىمۇ ئازىيىدۇ، ئورۇقلىتىش ئۈنۈمىمۇ زور دەرىجىدە تۆۋەنلەيدۇ. بۇ چاغدا سىز ئەسلىدىكى ھەرىكەت ئادىتىنى ئۆزگەرتىشىڭىز، ھەرىكەت سىجىللىقىنى ئاشۇرۇشىڭىز ياكى ھەرىكەت ئۇسۇلىنى ئۆزگەرتىپ، بەدىنىڭىزنىڭ ئىسسىقلىق چىقىرىشىنى تېزلىتىشىڭىز كېرەك.

ئەگەر سىز يەنىلا يۈگۈرۈشنى داۋاملاشتۇرماقچى بولسىڭىز، يۈگۈرۈش قېتىم سانى ياكى يۈگۈرۈش ۋاقتىنى ئاشۇرۇشنى سىناپ باقسىڭىز بولىدۇ؛ سىز يۈگۈرۈشنى يەنە سۈرئەت ئۆزگەرتىپ يۈگۈرۈش ياكى تاغلىق رايوندا يۈگۈرۈش قاتارلىقلارغا ئۆزگەرتسىڭىزمۇ بولىدۇ، بۇنداق قىلغاندا يۈگۈرۈش سىجىللىقىنى ئاشۇرغىلى بولىدۇ. ئەلۋەتتە، سىز يەنە HIT مەشىقى قاتارلىق ھەرىكەتلەرنى قىلسىڭىز، بەدىنىڭىزنىڭ قېتىپ قالغان ھەرىكەت تەڭپۇڭلىقىنى بۇزۇپ تاشلاپ، تېز سۈرئەتتە ئورۇقلاشنىڭ توختاش مەزگىلىدىن بۆسۈپ ئۆتۈشىڭىزگە ياردەم بېرىدۇ.

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

ئۈچىنچى، كۈچ مەشىقىگە قاتنىشىش

بۇ يەردە كۈچ مەشىقىنى ئايرىم سۆزلەپ ئۆتمەكچىمىز. ئورۇقلاش مەزگىلىدە، ئەگەر سىز نوقۇل ھالدا ئوكسىگېنلىق ھەرىكەت قىلسىڭىز، مۇسكۇللارنىڭ چۈشۈپ كېتىش مەسىلىسىگە دۇچ كېلىشىڭىز مۇمكىن. ئادەمنىڭ مۇسكۇللىرىنىڭ مىقدارى يۇقىرى بولسا، كۆپ ھاللاردا مېتابولىزم ئىقتىدارى بىرقەدەر ياخشى، دەپ قارىلىدۇ. شۇڭا، سىز ھەرىكېتىڭىزنى قايتىدىن ماسلاشتۇرۇپ، كۆپرەك كۈچ مەشىقى قىلىپ، مۇسكۇللارنى ئاشۇرۇشقا ياردەم بېرىشىڭىز كېرەك.

كۈچ مەشىقىنىڭ ھەرىكەتلىرى بەك مۇرەككەپ بولمىسىمۇ بولىدۇ. دەسلەپتە زوڭزىيىپ ئولتۇرۇش، يەر بېغىرلاش قاتارلىق ھەرىكەتلەرنى قىلسىڭىز بولىدۇ، شارائىت يار بەرسە چېنىقىش ئۆيىگە بارسىڭىزمۇ بولىدۇ.

سىزگە بۇ تۆت ھەرىكەتنى تەۋسىيە قىلىمىز:

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

1. چوڭقۇر زوڭزىيىپ ئولتۇرۇش 15 قېتىم.

 

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

2. يەر بېغىرلاش 15 قېتىم (ئەر / ئايال)

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

3. تەكشى تاختىلىق تىرەپ تۇرۇش 30 سېكۈنت.

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

4. ۋېلىسپىت مىنىش شەكىللىك پۇت تېپىش ھەرىكىتى 15 قېتىم.

ھەر بىر ھەرىكەت ئارىلىقىدا 15-20 سېكۈنت ئارام ئېلىپ، 3~1 گۇرۇپپا تەكرارلىنىدۇ.

ئورۇقلاشنىڭ توختاش مەزگىلىگە دۇچ كەلدىڭىزمۇ؟ بۇلارنى بىلىۋالسىڭىز داۋاملىق ئورۇقلىيالايسىز

تۆتىنچى، ئۇخلاش ۋاقتىغا كاپالەتلىك قىلىش

تۈنىگەندە، ۋاقتىدا ئۇخلىمىغاندا، مېتابولىزمنىڭ تەڭپۇڭسىزلىقىنى كەلتۈرۈپ چىقىرىپ، بەدەندىكى ياغ ۋە ئېنېرگىيەنىڭ ئالمىشىشىغا تەسىر كۆرسىتىدۇ، بۇنىڭ بىلەن ئورۇقلاش سۈرئىتىڭىز ئاستىلايدۇ.

كولومبىيە ئۇنىۋېرسىتېتىنىڭ بىر تۈرلۈك تەتقىقاتىدا بايقىلىشىچە، ئۇيقۇسى يېتەرلىك بولمىغان كىشىلەرنى ئۇيقۇسى يېتەرلىك كىشىلەرگە سېلىشتۇرغاندا، ئۇلار كۈنىگە ئوتتۇرا ھېساب بىلەن 300 كالورىيە ئىسسىقلىقنى ئارتۇق قوبۇل قىلىدىكەن. ئۇيقۇ يېتەرلىك بولمىسا ئادەم بەدىنىدىكى ئورۇقلىتىش ماددىسىنىڭ ئاجرىلىپ چىقىشىنى ئازايتىپ، ئىشتىھانى كونترول قىلالمايدىكەن.

ھاياتلىق ۋاقىت گېزىتىنىڭ تونۇشتۇرۇشىچە، 13 ياشتىن 29 ياشقىچە بولغان ياشلارنىڭ ئەڭ ياخشى ئۇخلاش ۋاقتى سەككىز سائەت ئەتراپىدا بولىدىكەن، ئەڭ كېچىككەندىمۇ سائەت 24 تە كارىۋاتقا چىقىپ، ئەتىگەن سائەت ئالتىدە ئورنىدىن تۇرسا ياخشىكەن؛ 30 ياشتىن 60 ياشقىچە بولغانلار ئەرلەر 6.29 سائەت، ئاياللار 7.5 سائەت ئۇخلىسا ئەڭ ياخشى بولۇپ، كەچ سائەت ئوندىن ئەتىگەن سائەت بەشكىچە ئۇخلاشقا كاپالەتلىك قىلسا بولىدىكەن.

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى