ساغلاملىق

بۇلارنى بىلمىسىڭىز ھەرىكەتنى قانچە كۆپ قىلغانسېرى شۇنچە سەمرىپ كېتىسىز

دۇنيا سەھىيە تەشكىلاتى (WHO) سېمىزلىكنى ئەڭ چوڭ سوزۇلما خاراكتېرلىك كېسەللىك دەپ بېكېتىپ، ھەر يىلى ئاز دېگەندە 2 مىليون 600 مىڭ ئادەمنىڭ ئېغىرلىقى ئېشىپ كېتىش ياكى سېمىزلىك سەۋەبىدىن ئۆلۈپ كېتىدىغانلىقىنى ئوتتۇرىغا قويغان.

بۈگۈنكى كۈندە، مۇتلەق كۆپ ساندىكى سانائەتلەشكەن دۆلەتلەردە، ئۈچتىن بىر قىسىمدىن ئارتۇق قورامىغا يەتكەنلەر ۋە تۆتتىن بىر قىسىم بالىلارنىڭ ئېغىرلىقى ئېشىپ كەتتى. بەدەننىڭ زىيادە سەمرىپ كېتىشى نۇرغۇن ئەزالارنىڭ يۈكىنى ئاشۇرىۋېتىدىغان بولۇپ، ھەر خىل قان تومۇر كېسەللىكلىرىنى كەلتۈرۈپ چىقىرىدۇ.

شۇڭا ئورۇقلاش ھازىرقى زامان جەمئىيىتىدىكى كىشىلەرنىڭ ئومۇميۈزلۈك كۆڭۈل بۆلىدىغان مەسىلىسىگە ئايلاندى. ئەمما، كۆپ ھاللاردا بۇنى نىشان قىلىدىغانلار ناھايىتى كۆپ بولسىمۇ، ئەمما مۇۋەپپەقىيەت قازانالايدىغانلار ناھايىتى ئاز. ئەگەر ئۇسۇلنى خاتا قوللانسا، ئۈنۈمى ھەمىشە ئەكسىچە بولۇپ چىقىدۇ.

شۇڭا، بەدەن ئېغىرلىقىنى كونترول قىلىش ماھارىتىنى ئىگىلەش ئىنتايىن مۇھىم، تۆۋەندىكىلەرنى بىلىۋېلىڭ، ئورۇقلاشتەك ئۇلۇغۋار ئىشىڭىزغا تۇرمۇشتىكى بەزى كىچىك ئىشلار دەخلى يەتكۈزمىسۇن.

بۇلارنى بىلمىسىڭىز ھەرىكەتنى قانچە كۆپ قىلغانسېرى شۇنچە سەمرىپ كېتىسىز

1. ھەر كۈنى 10 مىنۇت ھەرىكەت قىلىش

بەزى كىشىلەر تاماق يېيىشتە ئاكتىپ، ھەرىكەت قىلىشقا قېرىق…

ھەرىكەت قىلىشنى داۋاملاشتۇرۇش سىز ئويلىغاندەك ئۇنچە تەس ئىش ئەمەس، ھەر كۈنى ھەرىكەت قىلىشىڭىزنىڭ، ھەر قېتىملىق ھەرىكەتكە چوقۇم بىر سائەتتىن ئارتۇق ۋاقىت سەرپ قىلىشىڭىزنىڭ ھاجىتى يوق. ئەگەر سىزنىڭ ۋاقتىڭىز ھەقىقەتەن چەكلىك بولسا، HITT (يۇقىرى سىجىللىقتىكى ئارىلاپ مەشىق قىلىش) نى سىناپ باقسىڭىز بولىدۇ، پەقەت 15 ~ 20 مىنۇت، ھەتتا بۇنىڭدىنمۇ قىسقا بولسىمۇ، سىز يەنىلا كۆزلىگەن نىشانغا يېتەلەيسىز. شۇڭا ھەرىكەت قىلىشقا ۋاقىت چىقماسلىقنى باھانە قىلماي، ھەرقانچە ئالدىراش بولسىڭىزمۇ، كۈندە 10 مىنۇت ۋاقىت چىقىرىڭ!

2. تۈنىمەڭ!

تۈنەش چاچنى چۈشۈرۈۋېتىدۇ، ئادەمنى سەمرىتىۋېتىدۇ، تېرىسىنى ناچارلاشتۇرۇۋېتىدۇ. قىسقىسى، تۈنەشنىڭ زىيىنى ھەقىقەتەن چوڭ ۋە كۆپ بولۇپ، ساناپ تۈگەتكىلى بولمايدۇ، بىز بۇ يەردە ئەزمىلىك قىلىپ ھەممىنى دەپ ئولتۇرمايمىز. قىسقىسى، «تۈنىمەڭ!»

3. مەززىلىك تائاملارنىڭ ۋىدىيوسىنى ئاز كۆرۈڭ.

مەن بىر مەزگىل ئورۇقلاشقا بەل باغلاپ، تاماق يىمەسلىك ئۈچۈن ئېسىل تائاملارنىڭ ۋىدىيولىرىنى كۆرۈشكە بەك ئامراق بولۇپ قالغان ئىدىم. ئۇلارنىڭ تاماق يېگىنىنى كۆرۈپ پۇخادىن چىقىپ قالغاندەك بولاتتىم. ئەمما، ئىككى كۈن ئۆتمەيلا چىدىيالماي قالدىم، بۇنداق بولغاندا ئادەم ئورۇقلىمايلا قالماستىن، پورتمالىمۇ قۇرۇقدىلىپ قالىدىكەن. ئېزىقتۇرۇشقا تاقابىل تۇرۇش ئۈچۈن، ئەڭ ياخشىسى يەنىلا ئېزىقتۇرۇشتىن يىراق تۇرۇش كېرەك.

4. يېرىم كېچىدە قورسىقىڭىز ئاچسىمۇ، كېچىلىك تاماق يېمەڭ.

ئەگەر سىز ئۈچ ۋاق تاماقنى دەل ۋاقتىدا يەپ، تۈنىمىسىڭىز، ئەمەلىيەتتە كېچىلىك تاماقنىڭ ئېزىقتۇرۇشىغا ناھايىتى ئاز ئۇچرايسىز. لېكىن، بەزىدە ئامالسىز تۈنەيدىغان، قورساق ئېچىپ كېتىدىغان ۋاقلارغىمۇ دۇچ كېلىپ قالىدىغان گەپ.

بۇنداق چاغلاردا، بىر ئىستاكان قايناقسۇ سۇ ياكى بىر ئىستاكان سۈت ئىچىپ دەرھال ئۇخلاڭ، ئەگەر قورسىقىڭىز بەك ئېچىپ كەتسە، سۇلۇ ياكى قاتتىق پوستلۇق مېۋىلەردىن ئازراق يەڭ.

بۇلارنى بىلمىسىڭىز ھەرىكەتنى قانچە كۆپ قىلغانسېرى شۇنچە سەمرىپ كېتىسىز

5. كۆپرەك سۇ ئىچىڭ! كۆپرەك سۇ ئىچىڭ! يەنىلا كۆپرەك سۇ ئىچىڭ!

تاماقتىن بۇرۇن بىر ئىستاكان سۇ ئىچىۋالسىڭىز، يېرىم قاچا تاماقنى ئاز يەيسىز.

«جۇڭگونىڭ سۇ ۋە ھاياتلىق سۈپىتىنى تەكشۈرۈش دوكلاتى» دا كۆرسىتىلىشىچە، پەقەت %5كىمۇ يەتمەيدىغان ئادەملەردە قەرەللىك، نورمىلىق سۇ ئىچىدىغان ياخشى ئادەت بار ئىكەن.

سۇ جىگەردىكى ياغنىڭ مېتابولىزمىنى ئىلگىرى سۈرىدۇ، سۇ كەمچىل بولسىلا ياغ يىغىلىپ قالىدۇ، سەمىرىپ كېتىش سۈرئىتى تېزلىشىدۇ. شۇڭا، سۇ ئىچىشنى ئۇنتۇپ قالماڭ.

6. قەنتسىز ئىچىملىكلەرنىمۇ ئاز ئىچىش كېرەك.

ئورۇقلاش ئۇقۇمىنىڭ ئومۇملىشىشىغا ئەگىشىپ، نۇرغۇن ئىچىملىكلەرنىڭ ھەممىسى ئۆزىنى قەنتسىز دەۋالىدىغان بولۇپ قالدى. بۇنداق ئىچىملىكلەرنى ئورۇقلاش مەزگىلىدە ئىچسىمۇ بولىدۇ دېگەن قاراشلار ئوتتۇرىغا چىقتى. ئەمەلىيەتتە، ئۇلارغىمۇ يەنىلا ئاسىبا تاتلىقى قاتارلىق تاتلىق تەم خۇرۇچلىرى قوشۇلىدۇ. ئاسىبانىڭ تاتلىقلىق دەرىجىسى ساخاروزىنىڭ 200 ھەسسىسىگە تەڭ بولۇپ، ئادەمنىڭ ئىشتىھاسىنى غىدىقلاپ، ئادەمنى تېخىمۇ ئاسان سەمرىتىۋېتىدۇ.

7. توغرا گۆش يېيىش كېرەك.

بۇ يەردىكى «گۆش» ھايۋانات ئاقسىلىنى كۆرسىتىدۇ، نۇرغۇن ئورۇقلايدىغانلار ئورۇقلاش مەزگىلىدە گۆشنىڭ قوبۇل قىلىنىشىنى ئازايتىش كېرەك، دەپ قارايدۇ. ئەمەلىيەتتە، ئەلا سۈپەتلىك ھايۋانات ئاقسىلىنى تاللىغاندا، تويۇش سېزىمىنى ئاشۇرۇشقا ياردەم بېرىپ، شۇ ئارقىلىق ياغ ھاسىل قىلىدىغان ھورمۇننىڭ ئاجرىلىپ چىقىشىنى تىزگىنلەپ، ئارتۇقچە گۆشنىڭ پەيدا بولۇشىنى يەنىمۇ ئازايتقىلى بولىدۇ.

ئەلا سۈپەتلىك ھايۋانات ئاقسىللىرى بېلىق، راك، توخو گۆشى، كالا گۆشى قاتارلىقلاردىن كېلىدۇ.

8. توخو تېرىسى قاتارلىقلارنى ئاز يېيىش كېرەك.

توخو تېرىسى، بېلىق تېرىسى ۋە مايدا پىشۇرۇلغان يېمەكلىكلەرنىڭ سىرتقى پوستى قاتارلىقلارنىڭ ئورتاقلىقى نېمە؟ ئەلۋەتتە ئۇلاردا تېخىمۇ كۆپ ياغ بار، بۇلارنى كۆپ يېگەندە ئورۇقلاشقا تەسىر كۆرسىتىدۇ.

9. مېۋە شەربىتى سىز ئويلىغاندەك ساغلام ئەمەس.

قاتتىق ھالەتتىكى مېۋىلەرگە سېلىشتۇرغاندا، سۇيۇق ھالەتتىكى مېۋە شەربىتىنىڭ يېمەكلىك تالالىرى كۆرۈنەرلىك ئازىيىپ، تويۇش تۇيغۇسى تۆۋەنلەپ، ئاچلىق تۇيغۇسى كۈچىيىدۇ. شۇڭا مېۋە شەربىتى سىز ئويلىغاندەك ساغلام يېمەكلىك ئەمەس.

10. ئاساسىي يېمەكلىككە قارا ئاشلىق قوشۇش كېرەك.

يېمەك-ئىچمەكتە ئەڭ ياخشىسى قارا ئاشلىقنى ئاساس قىلىش كېرەك. قارا ئاشلىقتا گەرچە كاربون سۇ بىرىكمىلىرى مول بولسىمۇ، ئەمما ئۇلاردىكى سېللۇلوزا قاتارلىقلار پارچىلىنىشىنى كېچىكتۈرىدۇ.

11. يۇمشاق چايناپ، ئاستا يېيىش كېرەك.

ئاستا-ئاستا يېگەندە، چوڭ مېڭە ھېستامىن دەپ ئاتىلىدىغان بىر خىل مېڭە ئىچكى ماددىسىنى ئاجرىتىپ چىقىرىدۇ، ئۇ تويۇش مەركىزى ۋە ئورۇقلىتىش ھورمۇنىنىڭ ئاجرىلىشىنى غىدىقلاپ، ئىشتىھانى كونترول قىلىدۇ.

شۇنىڭ بىلەن بىر ۋاقىتتا، ھېستامىن يەنە سىمپاتىك نېرۋىنى غىدىقلاپ، ئۇنى ئاكتىپلاشتۇرىدۇ، ئىچكى ئەزالاردا يىغىلىپ قالغان مايلار سىمپاتىك نېرۋىنىڭ تەسىرىگە ئەڭ كۆپ ئۇچرايدىغان مايلار بولۇپ، سىمپاتىك نېرۋىنىڭ ھەرىكىتى جانلانسا، ئىچكى ئەزالاردىكى ياغلارنىڭ پارچىلىنىشىمۇ تېزلىشىدۇ.

بۇلارنى بىلمىسىڭىز ھەرىكەتنى قانچە كۆپ قىلغانسېرى شۇنچە سەمرىپ كېتىسىز

12. ئامال بار ھاراق ئىچمەڭ.

نۆۋەتتە ھاراق ئىچىشنىڭ ئادەمنى سەمرىتىدىغانلىقى توغرىسىدا ئىككى خىل قاراش بار. بىرى، ھاراقنىڭ ئۆزىدىكى ئىسسىقلىق مىقدارى ناھايىتى يۇقىرى بولۇپ، ئادەمنى ئاسانلا سەمرىتىۋېتىدۇ؛ يەنە بىر خىلى، ھاراق ئەسلىدە ئادەمنى ئۇنچە بەك سەمرىتىۋەتمەيدۇ، لېكىن سىز ھاراق ئىچكەندە نۇرغۇن نەرسىلەرنى يەيسىز شۇڭا سەمىرىپ كېتىسىز. لېكىن نېمە سەۋەبتىن بولۇشىدىن قەتئىينەزەر، ھاراق ئىچىش ئادەمنى ئاسانلا سەمرىتىۋېتىدۇ.

بۇنىڭدىن باشقا، ئىسپىرت بىرىنچى دەرىجىلىك راك پەيدا قىلغۇچى ماددا، شۇڭا ھاراقنى ئامال بار ئىچمەسلىك كېرەك.

13. تاماق يېگەندە، يانفۇن ئوينىماڭ.

تاماق يېيىشتىن بۇرۇنقى ئەڭ مۇھىم ئىش نېمە، ھازىرقى زامان ياشلىرىغا نىسبەتەن بۇ قول يۇيۇش ئەمەس، بەلكى تېخىمۇ مۇھىمى يانفۇندىن ياخشىراق بىرەر ۋىدىيو تېپىپ، بىر تەرەپتىن كۆرگەچ، بىر تەرەپتىن تاماق يېيىش، نۇرغۇن كىشىلەرگە مۇشۇنداق قىلغاندا تاماق ئاندىن مەززىلىك تېتىيدۇ.

لېكىن بۇ سىزنىڭ تاماق يېگەندە دىققىتىڭىزنى يىغالماي، كۆپ يەۋېتىشىڭىزنى كەلتۈرۈپ چىقىرىدۇ.

14. تاماق يەپ بولۇپلا ئۈستەلدىن ئايرىلىڭ.

قورسىقى تويغاندىن كېيىن دەرھال تاماق ئۈستىلىدىن ئايرىلمىسا نېمە ئىش يۈز بېرىدۇ؟ باشقىلارنىڭ تاماق يېگىنىنى كۆرۈپ، سىزنىڭمۇ داۋاملىق يېگۈڭىز كېلىدۇ! ! !

15. ئۇششاق-چۈششەك يېمەكلىكلەرنى توغرا يېيىش كېرەك.

قاتتىق پوستلۇق مېۋە، ئالما، پىشلاق قاتارلىق ساغلام ئۇششاق-چۈششەك يېمەكلىكلەرنى تاللاش، ئۇنىڭ ئۈستىگە بىر قېتىمدا قوبۇل قىلىدىغان ئۇششاق-چۈششەك يېمەكلىكلەرنىڭ ئىسسىقلىقى 150 كىلوكالورىيەدىن ئېشىپ كەتمەسلىكى كېرەك.

16. ئۇششاق-چۈششەك يېمەكلىكلەرنى سول قولدا يېيىش كېرەك.

بىر قىزىقارلىق تەتقىقاتتىن بايقىلىشىچە، ئەگەر سول قول بىلەن ئۇششاق-چۈششەك يېمەكلىكلەرنى يېگەندە، بەدەنگە قوبۇل قىلىش مىقدارى ئازىيىپ كېتىدىكەن. نېمىلا دېگەن بىلەن سول قولىڭىز ئوڭ قولىڭىزدەك ئەپچىل ئەمەس، ئەلۋەتتە، ئەگەر سىز سولخاي بولسىڭىز، ئوڭ قولىڭىزنى ئىشلىتىڭ.

17. قورسىقىڭىز ئاچقاندا سىرتتىن قالايمىقان تاماق بۇيرۇتماڭ.

ئادەمنىڭ قورسىقى ئاچقاندا ھەممە نەرسىنى يېگۈسى كېلىپ، ئېھتىياتسىزلىقتىن نۇرغۇن نەرسىلەرنى بۇيرىتىۋالىدىغان ئىشلار بولۇپ تۇرىدۇ. ئەمەلىيەتتە بۇ سىزنىڭ يەيدىغىنىڭىزدىن خېلى كۆپ بولسىمۇ، لېكىن ئەڭ ئاخىرىدا يەنىلا ئىسراپ قىلماسلىق پىرىنسىپى بويىچە ھەممىنى يەۋېتىسىز، قېنى دەپ بېقىڭە، بۇنداق قىلسىڭىز، سىز سەمىرمىسىڭىز، كىم سەمىرىدۇ؟

18. ئاز ئولتۇرۇش، كۆپ تۇرۇش كېرەك.

ئىشىڭىز ئالدىراش ئەمەس چاغلاردا، ئورنىڭىزدىن تۇرۇپ ھەرىكەت قىلسىڭىز، ھەرىكەت مىقدارىڭىزنى ئاشۇرۇپلا قالماي، يەنە بويۇن ئومۇرتقا كېسىلىدىنمۇ يىراق تۇرىسىز. ئۇنىڭ ئۈستىگە، مېنىڭ كۆزىتىشىمگە ئاساسلانغاندا، ئادەتتە ئورۇق كىشىلەر باشقا ئىشى يوق چاغلاردا ئەتراپنى ئايلىنىشنى ياخشى كۆرىدۇ.

19. ياخشى كەيپىياتنى ساقلاش كېرەك.

بېسىم چوڭ بولۇپ كەتكەندە، ئازراق بىر نەرسىلەرنى يەپ كەيپىياتىڭىزنى ياخشىلىسىڭىز بولىدۇ، ياخشى كەيپىياتنى ساقلاشنىڭ ئورۇقلاشقا پايدىسى بار.

20. قىسقا ۋاقىت ئىچىدە بەدەن ئېغىرلىقىنىڭ زور مىقداردا تۆۋەنلىشىدىن ئۈمىد كۈتمەڭ.

ئورۇقلاشتا ھەرگىزمۇ بىر ھەپتىدىلا نەچچە كىلوگىرام ئورۇقلاشنى مەقسەت قىلىشقا بولمايدۇ. بەدىنىڭىزدىكى مايلارمۇ نەچچە كۈندىلا قوشۇلۇپ قالمىغان، شۇڭا ئورۇقلاشتا سەۋىرچان بولۇشىڭىزغا توغرا كېلىدۇ. نورمالدا بىر ئايدا ئىككى كىلوگىرام ئەتراپىدا ئورۇقلىسىڭىز، ناھايىتى ياخشى ئۈنۈمگە يەتكەن بولىسىز.

21. ھەرىكەت ھەممىدىن مۇھىم.

مەن كۆپ ساندىكى ئورۇقلايمەن دەپ يۈرىدىغانلارنىڭ ھەر ئايدا پات-پات ھەرىكەت قىلىش شوئارى توۋلايدىغانلىقىنى، ئەمما ئۈچ كۈنمۇ بەرداشلىق بېرەلمەي ۋاز كېچىپ، بىر ئاز ۋاقىت ئۆتكەندىن كېيىن، يەنە بىر قېتىم شوئار توۋلايدىغانلىقىنى بايقىدىم. كۈنلەر مۇشۇنداق ئۆتىۋەرسە، نەتىجىدە يا بەدەن ئېغىرلىقى ئۆزگەرمەيدۇ، يا تېخىمۇ سەمرىپ كېتىدۇ.

راست، ئورۇقلاشتا ئەڭ مۇھىمى يەنىلا ھەرىكەت قىلىش كېرەك.

بەدەن ئېغىرلىقىنى كونترول قىلىشتىن ئىبارەت بۇ چوڭ ئىشتا، سىز باشقىلارنىڭ نەزىرىدىكى گۈزەللىككە ئەمەس، بەلكى ساغلاملىقنى قوغلىشىشىڭىز كېرەك. پەقەت بەدەن ئېغىرلىقىڭىز، بەدىنىڭىزدىكى ماينى مۇۋاپىق دائىرىدە كونترول قىلسىڭىزلا بولىدۇ.

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى