تەبىئەت

شىنجاڭدىكى دۆلەت دەرىجىلىك باغچىلار

شىنجاڭدىكى دۆلەت دەرىجىلىك باغچىلار

پوسكام ئالتۇن توغراق دۆلەت ئورمان باغچىسى

(جۇ مىڭجۈن فوتوسى)

   پوسكام ئالتۇن توغراق دۆلەت ئورمان باغچىسى

پوسكام ئالتۇن توغراق دۆلەت ئورمان باغچىسى شىنجاڭ قەشقەر ۋىلايىتى پوسكام ناھىيەسىنىڭ غەربىي جەنۇبىغا 36 كىلومېتىر كېلىدىغان ياسىدۆڭ ئورمانچىلىق مەيدانىغا جايلاشقان، ئۈچ تەرىپى سۇ بىلەن قورشالغان بولۇپ، مەنزىرىسى ناھايىتى گۈزەل. باغچە ئىچىدىكى تەبىئىي توغراقلىقنىڭ كۆلىمى 20 مىڭ مو ئەتراپىدا، بىپايان تەبىئىي توغراقلىق بىلەن كەڭ كەتكەن يەكەن دەرياسى ۋە دەريانىڭ ئىككى قىرغىقىدىكى تەكشى، قاقاس چۆللۈك ئۆزگىچە تەبىئىي مەنزىرە ھاسىل قىلغان. باغچىدا يەنە توغراق پادىشاھى، جىگدە كارىدورى، كۆل مەركىزى ئارىلى قاتارلىق مەنزىرە نۇقتىلىرى بار.

شىنجاڭدىكى دۆلەت دەرىجىلىك باغچىلار

لوپنۇر دۆلەت قۇملۇق باغچىسىدىكى توغراق، قۇملۇق، كۆل سۈيى ئۆزئارا گىرەلىشىپ، نۇرغۇن ساياھەتچىنى بۇ يەرگە كېلىپ ساياھەت قىلشقا جەلپ قىلدى.

(لى فېي فوتوسى)

   لوپنۇر دۆلەت قۇملۇق باغچىسى

لوپنۇر دۆلەت قۇملۇق باغچىسى شىنجاڭ بايىنغولىن موڭغۇل ئاپتونوم ئوبلاستى لوپنۇر ناھىيەسى تەۋەسىگە جايلاشقان، جەنۇب تەرىپى تەكلىماكان قۇملۇقى بىلەن قوشنا بولۇپ، قۇملۇقتا ئۆسكەن توغراق دەريا بويىدا ئۆسكەن توغراق بىلەن ئۆزئارا گىرەلىشىپ، ئۆزگىچە مەنزىرە ھاسىل قىلغان.

شىنجاڭدىكى دۆلەت دەرىجىلىك باغچىلار

6-ئاينىڭ 24-كۈنى سۈرەتكە تارتىلغان شىنجاڭ قاناس مەنزىرە رايونى

(شىنخۇا ئاگېنتلىقى مۇخبىرى سادات فوتوسى)

 قاناس كۆلى دۆلەت گېئولوگىيە باغچىسى

   قاناس كۆلى دۆلەت گېئولوگىيە باغچىسى ئالتاي ۋىلايىتى بۇرچىن ناھىيەسى ۋە قابا ناھىيەسىگە جايلاشقان، باغچىدا قاناس كۆلى، شېنيۆۋەن، يۆلياڭۋەن، ۋولۇڭۋەن قاتارلىق داڭلىق مەنزىرە نۇقتىسى بار.

شىنجاڭدىكى دۆلەت دەرىجىلىك باغچىلار

سايرام كۆلىنىڭ گۈزەل مەنزىرىسى.

(سۇڭ جۈن فوتوسى)

سايرام كۆلى دۆلەت سۇلۇق يەر باغچىسى

   سايرام كۆلى دۆلەت سۇلۇق يەر باغچىسى شىنجاڭدىكى تۇنجى دۆلەت سۇلۇق يەر باغچىسى سىناق نۇقتىسى قىلىنغان ئورۇن بولۇپ، شىنجاڭ بورتالا موڭغۇل ئاپتونوم ئوبلاستىغا جايلاشقان، ئومۇمىي كۆلىمى 1301.4 كىۋادرات كىلومېتىر، بۇنىڭ ئىچىدە، سۇلۇق يەر ئىگىلىگەن ئومۇمىي كۆلىم 541.6 كىۋادرات كىلومېتىر.

   سۇلۇق يەر باغچىسى سايرام كۆلىنى ئاساس قىلغان بولۇپ، سايرام كۆلى شىنجاڭ تەڭرىتاغنىڭ غەربىي قىسمىدىكى ئىگىز تاغ ئويمانلىقىغا جايلاشقان، شىنجاڭ تەۋەسىدىكى دېڭىز يۈزىدىن ئەڭ ئىگىز، كۆلىمى ئەڭ چوڭ ئىگىز تاغ ئىچكى قۇرۇقلۇق كۆلى ھېسابلىنىدۇ.

 

 

شىنجاڭ ئۇيغۇر ئاپتونوم رايونلۇق خەلق ھۆكۈمىتى تورىدىن ئېلىندى!

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى