ساغلاملىق

بوز تىكەن

بوز تىكەن ئاغرىق پەسەيتىش ،زەھەر قايتۇرۇش، سېرىقلىقنى يوقىتىش، توسالغۇلارنى ئېچىش،كۆزنى رۇشەنلەشتۈرىش، سۈيدۈك ھەيدەش، يارىلارنى ئېغىز ئالدۇرۇپ ساقايتىش خۇسۇسىيىتىگە ئىگە

بوز تىكەنسامان غوللۇق ئۆسۈملۈك بوزتىكەن (ئىزمۇق) نىڭ پۈتۈن چۆپى بولۇپ،«بوزتىكەن» نامىدا دورىغا ئىشلىتىلىدۇ.

ئائىلىسى

مۇرەككەپ گۈللۈكلەر ئائىلىسىدىكى كۆپ يىللىق سامان غوللۇق ئۆسۈملۈك.

ئۆسۈملۈك بوزتىكەننىڭ پۈتۈن چۆپى

دورىلىق تەركىبى

بوز تىـكەن گـلۇكـوزىـدى(patrinoside)، لـوگانىـن (loganin)، ئىنسـىتـول (linositol)، پالمـاتىك كىسلاتاسى قاتارلىقلار بار.

ئاغرىق پەسەيتىش ،زەھەر قايتۇرۇش، سېرىقلىقنى يوقىتىش، توسالغۇلارنى ئېچىش،كۆزنى رۇشەنلەشتۈرىش، سۈيدۈك ھەيدەش، يارىلارنى ئېغىز ئالدۇرۇپ ساقايتىش خۇسۇسىيىتىگە ئىگە.

پۇت يارىسى، ئۆتكۈر سېرىقلىق چۈشۈش خاراكتېردىكى يۇقۇملۇق جىگەر ياللۇغى، يارا، غەلۋىرەك، سۈيدۈك تۇتۇلۇش قاتارلىقلارغا ئىشلىتىلىدۇ.

تىنچلاندۇرۇش، ئاغرىق توختىتىش، قان توختىتىش، ئىممۇنىت كۈچىنى ئاشۇرۇش، جىگەرنى قۇۋۋەتلەش، ئۆسمىگە قارشى تۇرۇش تەسىرى بار.

خاس تەسىرى

تىنچلاندۇرغۇچى،مەست قىلغۇچى، ئاغرىق پەسەيىتكۈچى دورا.

ئورۇنباسارى

كاكىنەچ

ئەكىس تەسىرى

بۆرەككە زىيان قىلىدۇ.

تۈزەتكۈچىسى

كەتىرا

1.شاھتەررە چىنىدىن10گرام، بوزتىكەندىن 1 گرام، دورىلارنى سوقۇپ، سىماب مەلھىمىگە ئارىلاشتۇرۇپ غەلۋىرەككە سىرتتىن چاپسا مەنپەئەت قىلىدۇ.

2. بابۇنە، ئىزخىر، كاۋاۋىچىن، مامرانچىنلاردىن 10گرامدىن، بوزتىكەندىن 3 گرام ئېلىپ، قائىدە بويىچە قايناتما تەييارلاپ ئىچسە، جىگەر توسالغۇلىرىنى ئېچىپ، سېرىقلىقنى يوقىتىدۇ.

3. بوزتىكەندىن 3گرام، تەرخەمەك ئۇرۇقى، تاۋۇز ئۇرۇقى، كاكىنەچ قاتارلىقلاردىن 10گرامدىن ئېلىپ، قائىدە بويىچە قاينىتىپ ئىچسە، سۈيدۈكنى راۋان قىلىدۇ.

يىغىش

7-،8-ئايلارداگۇلى ئىچىلىشتىن بۇرۇن پۈتۈن ئۆسۈملىكى يىلتىزى بىلەن بىرگە يىغىۋىلىنىدۇ.

ساقلاش 

قۇرۇتۇپ ساقلىنىدۇ.

كاكىنەچ

كەتىرا


ئىزدە قامۇسىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى