ساغلاملىق

ئۇزاق ئولتۇرۇشنىڭ زىيىنى

بەزىدە كومپيوتېر ئالدىدا ياكى سافادا يانفون ئويناپ ۋاقىتنىڭ قانداق ئۆتۈپ كەتكىنىنى بىلمەي قالامسىز‎؟ ئەمەلىيەتتە ئولتۇرۇش بەدەنگە خوشياققاندەك قىلغان بىلەن بىراق ھەر قايسى ئەزالارنى بىلىندۈرمەي كاردىن چىقىرىدۇ.

ئۇزاق ئولتۇرۇشنىڭ زىيىنى

يۈرەك

ئەگەر ئۇزاق ۋاقىت ئولتۇرۇپ ھەرىكەت قىلمىغاندا ۋە سۇنى ئاز ئىچكەندە قان ئايلىنىش ئاستىلاپ، ۋاقىت ئۇزارغانچە يۈرەكنىڭ ئىقتىدارى چېكىنىپ، يۈرەك مۇسكۇلى يىگىلەيدۇ. يۈرەك مۇسكۇلى تىقىلمىسىغا گىرىپتار بولىدۇ ياكى مېڭىگە قان چۈشىدۇ.

ئۆپكە

ئۇزاق مۇددەت چېنىقماسلىق ۋېنا قان نوكچىسىنى پەيدا قىلىشى مۇمكىن. پۇت قىسمى ئاسانلا قان نوكچىسى يۈز بېرىدىغان ئورۇن بولۇپ، پۇتتىكى چوڭقۇر ۋېنا تومۇر نوكچىسى پۇت قىسمىدىكى قان تومۇرلارنى توسۇپ، كىشىلەرنى يول يۈرۈش ئىقتىدارىدىن ئايرىيدۇ. تېخىمۇ خەتەرلىك يېرى، ئۇزاق ئولتۇرۇپ، ئازراقلا مىدىرلىغاندا، نوكچا ئاسانلا بوشاپ ئاجراپ، ئۆپكىگە ئېتىلىپ كىرىپ، ئۆپكە كەپلەشمىسىنى كەلتۈرۈپ چىقىرىدۇ، بۇ ۋاقىتتا تۇيۇقسىز ئۆلۈپ كېتىش نىسبىتى ناھايىتى يۇقىرى بولىدۇ.

ئۈچەي يولى

ئۇزۇن ئولتۇرىدىغانلارنىڭ ئۈچەي يولى، ئاشقازىنىنىڭ لۆمۈلدىشى ئاجىزلايدۇ، زىيانلىق تەركىبلەر ئاسانلا بوغماق ئۈچەيدە توسۇلۇپ، ئۈچەي شىللىق پەردىسىنى غىدىقلايدۇ، شۇنىڭدەك قورساق بوشلۇقى، داس بوشلۇقى، بەل توققۇز كۆز قىسمىنىڭ قان ئايلىنىشى راۋان بولمايدۇ، ئۈچەي يولىنىڭ ئىممۇنىتېت توسۇقىنىڭ ئىقتىدارى تۆۋەنلەپ، بوغماق ئۈچەي راكىنى پەيدا قىلىدۇ، بۇ خىل ئەھۋال ياش ئەرلەردە كۆپرەك كۆرۈلىدۇ. ئۇنىڭدىن باشقا، ئۇزاق ئولتۇرىدىغانلارمۇ ئاسانلا گېموروي كېسىلىگە گىرىپتار بولىدۇ.

ئۇزاق ئولتۇرۇشنىڭ زىيىنى

ئومۇرتقا

ناتوغرا ھالەتتە ئۇزاق ئولتۇرغاندا ئومۇرتقا ئارىلىق تەخسىسىنىڭ ئېغىرلىق كۈچى ئۈزلۈكسىز ئېشىپ، ئومۇرتقا ئارىلىق تەخسىسى پولتىيىپ چىقىدۇ، شۇڭا كۆپچىلىكنىڭ بىر سائەت ئىچىدە ئورنىدىن تۇرۇپ، بەدىنىنى بوشاشتۇرۇشىنى تەۋسىيە قىلىمىز.

تىز

ناتوغرا قىياپەتتە ئولتۇرۇش ۋاقتى ئۇزارغانسېرى، بەل قىسمى ئېغىر بېسىمغا ئۇچراپ، بەل قىسمى نېرۋىلىرى تىزىغىچە سوزۇلۇپ، تىز ئاغرىشنى كەلتۈرۈپ چىقىرىدۇ. ئۇنىڭدىن باشقا، يىل بويى ئولتۇرۇپ خىزمەت قىلىدىغان كىشىلەر ئۇزۇن ۋاقىت پۇتىنى ئېگىپ، قان تومۇرنى بېسىۋالغانلىقتىن، تىزىنىڭ تېمپېراتۇرىسى بىر قەدەر تۆۋەن بولۇپ، ئاسانلا لېپەك يۇمشاش كېسىلىگە گىرىپتار بولىدۇ.

چوڭ مېڭە

ئۇزاق ئولتۇرۇپ ھەرىكەت قىلمىغاندا، قان ئايلىنىش ئاستىلايدۇ، يەنە چوڭ مېڭىگە قان يېتىشمەيدۇ، بۇ مېڭىنى زەخىملەندۈرۈپ، روھىي بېسىم پەيدا قىلىپ، ھارغىنلىق، روھسىزلىنىش، روھى چۈشكۈنلىشىش، ئەسنەش قاتارلىق ئالامەتلەرنى پەيدا قىلىدۇ. تۇيۇقسىز ئورۇندىن تۇرغاندا، باش قېيىش، كۆز تورلىشىش قاتارلىق كېسەللىك ئالامەتلىرى كۆرۈلىدۇ؛ ئۇزاق ئولتۇرۇپ زىيادە ئويلىنىش ياكى ئۇزاق مۇددەت تۈنەش، ئەستە تۇتۇش ئىقتىدارىنى تۆۋەنلىتىدۇ، دىققەت يىغىلماسلىقنى پەيدا قىلىدۇ.

ئۇزاق ئولتۇرۇشنىڭ زىيىنى

* ئۇزاق ئولتۇرغۇچىلارغا ماسلىشىدىغان تۆت خىل ھەرىكەت

تېز مېڭىش

يۈرەك، ئۆپكىنى كۈچەيتىپ، پۇتنىڭ كۈچىنى ئاشۇرىدۇ، تېز ماڭغاندا، مەيدىنى كۆتۈرۈپ، بىلەكنى سېلىپ، قەدەم ئارىلىقىنى بوي ئىگىزلىكىنىڭ %50 ~% 45ى ئەتراپىدا تەڭشەپ ماڭسا ئەڭ ياخشى، مەسىلەن، بوي ئىگىزلىكى 170 سانتىمېتىر بولغان ئادەمنىڭ قەدەم ئارىلىقى 76.5 ~ 85 سانتىمېتىر بولسا بولىدۇ.

يۈگۈرۈش

يۈگۈرۈش قان ئايلىنىشنى ئىلگىرى سۈرۈش ۋە يۈرەك، ئۆپكە ئىقتىدارىنى يۇقىرى كۆتۈرۈشكە پايدىلىق، يەنە ئىممۇنىتېت كۈچىنى ئاشۇرىدۇ، دائىم يۈگۈرۈپ بەدەن چېنىقتۇرىدىغانلارنىڭ بەدەن ساپاسى ئومۇمىي جەھەتتىن بىرقەدەر ياخشى بولىدۇ. ياش ياكى جىسمانىي كۈچى بىرقەدەر ياخشى كىشىلەر توپىغا نىسبەتەن ئېيتقاندا، يۈگۈرۈش ئىنتايىن ئۈنۈملۈك ھەرىكەت ئۇسۇللىرىنىڭ بىرى، بىراق ئەمەلىيەتكە قاراپ ئىش كۆرۈش، كۈندە كۆپ بولغاندا 3 ~ 5 كىلومېتىر يۈگۈرۈش كېرەك. ھەرىكەت ئادىتى ئۈچ ئايدىن ئالتە ئايغىچە يەتمىگەنلەر ۋە ئېغىر دەرىجىدە سوزۇلما خاراكتېرلىك كېسىلى بارلارغا يۈگۈرۈش تەۋسىيە قىلىنمايدۇ.

سۇ ئۈزۈش

بەدەندىكى مۇسكۇللارنى ماسلاشتۇرۇپ، سۆڭەكنىڭ زىچلىقىنى كۈچەيتىدۇ. سۇ ئۈزۈش ھەرقايسى ياش باسقۇچىدىكى كىشىلەر توپىغا ماس كېلىدۇ، ھەر ھەپتىدە 2 ~ 3 قېتىم سۇ ئۈزۈش، ھەر قېتىمدا بىر سائەت ئەتراپىدا سۇ ئۈزۈش مۇۋاپىق. لېكىن شۇنىڭغا دىققەت قىلىش كېرەككى، يۈرەك كېسىلى، ئېغىر يۇقىرى قان بېسىمى، يۇقۇملۇق كېسەل ۋە قۇلاق كېسىلى بار كىشىلەر سۇ ئۈزسە بولمايدۇ.

ئۇزاق ئولتۇرۇشنىڭ زىيىنى

پەي توپ

يۈرەكنى قوغداپ، بەدەننى ماسلاشتۇرىدۇ. پەي توپ ئوينىغاندا ئالدى بىلەن بەدەن قىزىتىش، بويۇن، مۈرە، جەينەك، بېغىش، بەل، داس، تىز، ئوشۇق، بارماق قاتارلىق بوغۇملارنى تولۇق ھەرىكەتلەندۈرۈش، توپ ئېلىشتىن ئاۋۋال پۈتۈن بەدەننى بوشىتىش، توپقا تەگكەن ھامان چوڭ بىلەك كىچىك بىلەكنى ھەرىكەتلەندۈرۈش، ئاندىن قول بارمىقى، بېغىشنى ھەرىكەتلەندۈرۈپ توپنى كۈچەپ ئۇرۇش، بىلەكنى كۈچەپ پۇلاڭلاتماسلىق، ھەرىكەت قىلغاندىن كېيىن بىلەك، بەل، يوتا قاتارلىق ئورۇنلاردىكى مۇسكۇللارنى سوزۇش كېرەك.

جىسمانىي كۈچى ئاجىزراق ياشانغانلار ئەڭ ياخشىسى ھەرىكەت كۈچى ئاجىزراق بولغان تىكتاك توپ قاتارلىقلارنى تاللىشى كېرەك.

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى