ساغلاملىق

ئاشقازان ئاغرىش

ھازىرقى زامان كىشىلىرى ھەمىشە ئېغىر خىزمەت بېسىمى پەيدا قىلغان روھىي جىددىيلىك ئىچىدە تۇرىدىغانلىقى، ئۇنىڭ ئۈستىگە ئۈچ ۋاخ تاماقنىڭ نورمال بولماسلىقى، ئوزۇقلۇقنىڭمۇ تەڭپۇڭ بولماسلىقى سەۋەبىدىن، ئاشقازان ئاغرىش ئۇلاردا دائىم كۆرۈلىدىغان كېسەللىكلەرنىڭ بىرى بولۇپ قالدى. 

ئاشقازان ئاغرىشتا ھەممىدىن كۆپ كۆرۈلىدىغىنى ئاشقازان يارىسى، ئون ئىككى بارماق ئۈچەي شارچە قىسمى يارىسى، ئاشقازان ياللۇغى قاتارلىق كېسەللىك ئالامىتى كەلتۈرۈپ چىقارغان ئاشقازان ئاغرىشتىن ئىبارەت، يەنە سوغۇقنىڭ تەسىرى، ئاچچىقنىڭ غىدىقلىشى كەلتۈرۈپ چىقىرىدىغان ئاشقازان ئاغرىشمۇ بار. ئاساسلىق ئالامىتى ئاشقازان كاۋىكى دائىم ئاغرىش، ھەمدە بۇنىڭغا ئەگىشىپ كۆكرەك بوشلۇقى چىڭقىلىش، كۆڭلى ئېلىشىش، قۇسۇش، ئاچچىق سۇ يېنىش، چوڭ تەرەت سۇيۇق كېلىش ياكى قېتىۋېلىش قاتارلىقلاردىن ئىبارەت. 

ئاشقازان كېسىلىنى كەلتۈرۈپ چىقىرىدىغان سەۋەبلەر ئىنتايىن كۆپ. مەسىلەن، ھەددىدىن تاشقىرى كۆپ يەپ-ئىچسە ئاشقازانغا نىسبەتەن يۈك بولۇپ، ئاسانلا ئاشقازان ئاغرىشنى كەلتۈرۈپ چىقىرىدۇ؛ دائىم پېچىنە-پىرەنىك قاتارلىق پارچە-پۇرات يېمەكلىكلەرنى يەيدىغانلار، ئاز مىقداردا كۆپ قېتىم غىزالىنىش ئادىتى بارلاردا ئاسانلا ئاشقازان كىسلاتاسىنىڭ ئاجرىلىپ چىقىشى جانلىنىپ كېتىپ، ئاشقازان يېقىمسىزلىنىش قاتارلىق ئالامەتلەر كۆرۈلىدۇ. 

ئاشقازاندا مەسىلە كۆرۈلگەندە، ئەڭ ياخشىسى ئۆزىنىڭ يېمەك-ئىچمەك ئادىتىنى تەڭشەش كېرەك. مەسىلەن، يېمەكلىكلەرنى يېگەندە ئۇزاق چايناپ ئاستا يۇتۇش لازىم، بولۇپمۇ يىرىكرەك تالالىق يېمەكلىكلەرنى ئۇزۇنراق، يۇمشاقراق چايناپ يۇتسا، ئۇلارنىڭ ئاشقازان دىۋارىنى زەخىملەندۈرۈشىدىن ساقلانغىلى بولىدۇ؛ كراخمال تۈرىدىكى يېمەكلىكلەر، مەسىلەن، گۈرۈچ، ئۇن تاماقلىرى بىر قەدەر ئاسان ھەزىم بولىدۇ، شۇڭا ئۇلار ئاشقازىنى ئاغرىيدىغانلار ئۈچۈن بىر قەدەر ياخشى تاللاش ھېسابلىنىدۇ. 

بېسىم ۋە جىددىيلىشىش كەيپىياتىمۇ ئاشقازان ئاغرىشنىڭ ئاساسلىق سەۋەبىدۇر. شۇڭا جىددىيلەشكەندە ئىمكانقەدەر چوڭقۇر نەپەسلىنىش، مۇۋاپىق پەيتتە كەيپىياتنى بوشاشتۇرۇش، بېسىمنى تۈگىتىش ھەمدە ئۈمىدۋار، ئوچۇق-يورۇق خاراكتېر يېتىلدۈرۈپ، ئاشقازان ئاغرىقىنىڭ قوزغىلىش ۋاقىت ئارىلىقىنى بارغانسېرى ئۇزارتقاندىلا، ئاندىن ئاشقازاننىڭ ئاغرىش سېزىمىنى بارا-بارا ئۇنتۇغىلى بولىدۇ.

تولۇقلاشقا تېگىشلىك ۋىتامىن، مىنېرال ماددا: ۋىتامىن A، ۋىتامىن B، نىكوتىن كىسلاتاسى، ۋىتامىن C، ۋىتامىن E، ۋىتامىن U، خلور.

كۆپرەك ئوزۇقلىنىشقا تېگىشلىك يېمەكلىكلەر: سۈتتىن ئىشلەنگەن مەھسۇلاتلار، جىگەر، كاۋا، تاتلىقبەرەنگى، كاللەكبەسەي، كەرەپشە، قاتتىق پوستلۇق مېۋىلەر، شىمىشكا يېغى، تۇخۇم قاتارلىقلار.

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى