ساغلاملىق

تەرخەمەكنىڭ شىپالىق رولى

ئەرەپچە نامى: قىسار، خىيار

خەنزۇچە نامى: 黄瓜

تونۇش: بۇ كاۋا ئائىلىسىدىكى بىر يىللىق يامىشىپ پېلەك تارتىپ ئۆسىدىغان سامان غوللۇق ئۆسۈملۈك تەرخەمەك (تۇز ۋە ئەگرى ئۆسىدىغان تۈرلىرى)نىڭ مېۋىسىدىن ئىبارەت بولۇپ، بۇ ئۆسۈملۈكنىڭ مېۋىسى <تەرخەمەك>، يىلتىزى <بىخ تەرخەمەك>، ئۇرۇقى <تۇخۇمى خىيارەن> قاتارلىق ناملاردا دورىغا ئىشلىتىلىدۇ. 

تەبىئىتى: ئىككىنچى دەرىجىدە ھۆل سوغۇق.

شىپالىق رولى: سەپرانىڭ ئۆتكۈرلېكىنى ۋە ئۇسسۇزلۇقنى پەسەيتىش، چىراينى گۈزەللەشتۈرۈش، تېرىگە جۇلا بېرىش، سۈيدۈك ھەيدەش، تاش پارچىلاش ۋە چۈشۈرۈش، چوڭ تەرەتنى راۋان قىلىش خۇسۇسىيىتىگە ئىگە. 

ئىشلىتىلىدىغان كېسەللىكلەر: گال ئاغرىقى، كۆپ ئۇسساش، قىزىتما، سۈيدۈك تۇتۇلۇش، بۆرەك، دوۋساق ۋە سۈيدۈك يولىدا تاش پەيدا بولۇپ قېلىش، ئۇيقۇسىزلىق، جىگەر كېسەللىكى، باش ئاغرىش قاتارلىقلارغا ئىشلىتىلىدۇ. 

ئىشلىتىش ئۇسۇلى: مۇۋاپىق مىقداردا بېرىلسە كۆپ ئۇسساشنى پەسەيتىدۇ، قىزىتما قايتۇرۇپ سۈيدۈك ماڭدۇرىدۇ، دوۋساقتىكى تاش ۋە قۇملارنى ئېرىتىپ چۈشۈرىدۇ، توسالغۇلارنى ئاچىدۇ، چىراينى پارقىرىتىدۇ، بۇنىڭ ئۇرۇقى ئېتىدىن كۈچلۈكرەك بولىدۇ. تەرخەمەكنى تۇز بىلەن قوشۇپ يېسە سەپرانىڭ (قۇرۇق ئىسسىق) ئارتۇقلۇقىنى پەسەيتىدۇ. تەرەتنى راۋانلاشتۇرىدۇ، قىزىتمىنى ياندۇرىدۇ، سۈيدۈكنىڭ كۆيۈپ كېلىشىنى يوقىتىدۇ. جىگەر كېسىلىگە پايدا قىلىدۇ. تەرخەمەكنى پۇراتسا ياكى پوستىنى سويۇپ پېشانىسىگە قويسا باش ئاغرىقىنى پەسەيتىدۇ، ئۇيقۇ كەلتۈرىدۇ، ئىسسىقتىن بولغان خاپىغانغا پايدا قىلىدۇ. 

ئىشلىتىش مىقدارى: مۇۋاپىق مىقداردا بېرىلسە بولىدۇ.

زىيانلىق تەسىرى: سوغۇق مىزاج كىشىلەرگە زىيان قىلىدۇ. قورساقنى كۆپتۈرۈپ قويىدۇ.

 تۈزەتكۈچىسى: سوغۇق مىزاج كىشىلەر ئۈچۈن تۇز، نانخا، ۋاسالغۇ.   ئىسسىق مىزاج كىشىلەر ئۈچۈن سىركەنجىۋىل.

ئورۇنباسارى: توڭ سويما

چىقىش ئورنى: ھەممە رايونلاردا تېرىپ ئۆستۈرىلىدۇ.

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى