ساغلاملىق

نېرۋا ئاجىزلىق ۋە ھەر خىل مېڭە كېسەللىكلىرىنى داۋالاش

نېرۋا ئاجىزلىق ۋە ھەر خىل مېڭە كېسەللىكلىرىنى داۋالاش

1. تاۋۇز ئۇرۇقىنىڭ مېغىزى، تەرخەمەك ئۇرۇقى مېغىزىدىن 15 گرامدىن ئېلىپ سوقۇپ 10 گرام ئىسپىغۇلنىڭ لۇئابىنى ئېلىپ ئارىلاشتۇرۇپ، 30 گرام ناۋات قۇشۇپ بىر نەچچە كۈن ئىستىمال قىلسا نېرۋا كېسەللىكىگە شىپا بۇلىدۇ. ئەگەر كېسەلدە ۋەسۋەسىنىڭ سەۋەبىدىن جىدىيلىشىش پەيدا بولۇش ئېھتىمالى بولسا تاۋۇزنى سىقىپ سۈيىنى ئېلىپ، 250 گرامغا 30 گرام ناۋات قۇشۇپ كۈندە ناشتىدا ئىستىمال قىلىشنى 21 كۈن داۋاملاشتۇرسا، كېسەلنىڭ نېرۋىسى ياخشىلنىپ كېسەللىك ئالامىتى كۈندىن كۈنگە ياخشىلىنىدۇ. 250 گرام تاۋۇز ئۇرۇقىنىڭ مېغىزىنى سوقۇپ، بىر كېچە سۇغا چىلاپ قۇيۇپ، 21 گرام ناۋات، تۆت دانە لاچىندانە قۇشۇپ، 36 گرام كالا سۈتىنىڭ قايمىقى بىلەن ئارىلاشتۇرۇپ بەرسە، تېخىمۇ ياخشى ئۈنۈم بېرىدۇ.

2. بالەنگۇ، شازەندىرە، سۇمبۇل، گاۋزىبانلارنىڭ ھەر بىرىدىن 10 گرامدىن ئېلىپ چالا سوقۇپ، 1200 مىللىلىتىر قايناق سۇغا بىر سوتكا چىلاپ قۇيۇپ، ئاندىن سۈيىنى ئوتتا 3/1 قىسمى قالغۇچە قاينىتىپ كۈنىگە ئۈچ گرامدىن ئۈچ ۋاخ ئىچىپ بەرسە، نېرۋا ئاجىزلىققا مەنپەئەت قىلىدۇ.

3. خېنە ئۇرۇقى، كەتىرادىن 4 گرامدىن ئېلىپ سوقۇپ تاسقاپ  ھەسەل بىلەن مەجۇن تەييارلاپ ئىستىمال قىلسا، نېرۋا ئاجىزلىقىغا مەنپەئەت قىلىدۇ.

4. تۇخۇ، قۇشقاچ، كەپتەر باچكىسى قاتارلىقلارنىڭ گۆشىدە كاۋاپ ياكى شورپا تەييارلاپ كۈندە مۇۋاپىق مىقداردا ئىستىمال قىلسا نېرۋا ئاجىزلىققا شىپا بولىدۇ.

5. كۈندە تۇخۇم ياكى ھەر خىل مېغىزلار بىلەن تەييارلانغان ھالۋا ئىستىمال قىلىنسا دائىملىق ئۇسسۇزلىق ئۈچۈن سۈت، تۇخۇم، شېكەر ياكى ھەسەل قاتارلىقلار قۇشۇپ تەييارلانغان چاي ياكى مېۋىلەرنىڭ سىقىپ چىقىرىلغان سۈيى ئىستىمال قىلىنسا نېرۋا ئاجىزلىققا شىپا بولىدۇ.

6. ئەتىرگۈلدىن قائىدە بويىچە ئەرەق چىقىرىپ، كۈندە ئىككى قېتىم ھەر قېتىمدا 30 مىللىلىتىر ئىستىمال قىلسا، ھەر خىل سەۋەپتىن بولغان نېرۋا ئاجىزلىق كېسەللىكلىرىگە مەنپەئەت قىلىدۇ.

7. 3 ياكى 4 دانە ياڭاقنى چېقىپ ئۇنىڭ مېغىزىنى ئېزىپ قاچىغا سېلىپ مۇۋىپىق مىقداردىكى شېكەر ۋە سۇ ئارىلاشتۇرۇپ ھور بىلەن پىشۇرۇپ يېسە نېرۋا ئاجىزلىقىغا شىپا بولىدۇ.

8. 10 ياكى 15 دانە ياڭاق مېغىزىنى ئېزىپ 100 گرام جاڭمى گۈرۈچى بىلەن ئارىلاشتۇرۇپ قاينىتىپ ئۇماچ قىلىپ، ئۇزاق مۇددەت ئىستىمال قىلىپ بەرسە يۈرەكنى قۇۋۋەتلەندۈرگىلى، مېڭىنى ساغلاملاشتۇرغىلى، قېرىپ كېتىش ۋە زەئىپلىشىشكە، نېرۋا ئاجىزلىقىغا قارشى تۇرغىلى بولىدۇ.

9. ئۆرۈك قېقىدا قائىدە بۇيىچە مۇراببا ياساپ كۈندە مۇۋاپىق مىقداردا ئىستىمال قىلسا، نېرۋا ئاجىزلىق كېسەللىكىگە شىپا بولىدۇ.

10. لاچىندانىدىن 10 گرام، ناۋاتتىن 100 گرام ئېلىپ سوقۇپ تاسقاپ سۇپۇپ تاييارلاپ، كۈندە ئۈچ قېتىم ھەر قېتىمدا 20 گرامدىن ئىستىمال قىلسا نېرۋا ئاجىزلىق كېسىلىگە شىپا بولىدۇ.

11. ياڭاق مۇرابباسىنى داۋاملىق ئىستىمال قىلسا،نېرۋا ئاجىزلىقىغا شىپا بولىدۇ.

12. يۇمغاقسۈت ئۇرۇقى، ئامىلە، بەلىلە پوستى، سېرىق ھېلىلە پوستى قاتارلىقلارنىڭ ھەر بىرىدىن 250 گرام، سېرىق ياغدىن 200 گرام، ئاق شېكەردىن 4 كىلوگرام ئېلىپ، سوقۇشقا تېگىلىكلىرىنى سوقۇپ، تاسقاپ، سېرىق ياغ بىلەن تەكشى ئارىلاشتۇرۇپ، ئاندىن شېكەر قىيامى بىلەن يۇغۇرۇپ ھەر كۈنى كەچ 10 گرامدىن يەپ بەرسە، نېرۋا ئاجىزلىقىغا مەنپەئەت قىلىدۇ.

13. گۈل سەۋسەن، گاۋزىبان، گاۋزىبان گۈلى قاتارلىقلارنىڭ ھەر قايسىسدىن ئوخشاش مىقداردا ئېلىپ شەربەت تەييارلاپ، ھەر قېتىمدا 30 مىللىتىردىن ئىچسە نېرۋا ئاجىزلىقىغا شىپا بولىدۇ.

14. ئەتىرگۈلدىن قائىدە بۇيىچە ئەرەق (پار سۈيى) چىقىرىپ كۈندە ئىككى قېتىم ھەر قېتىمدا 30 مىللىلىتىردىن ئىستىمال قىلسا ھەر خىل سەۋەبلەردىن بولغان نېرۋا ئاجىزلىقى كېسەللىكىگە مەنپەئەت قىلىدۇ.

15. خېنە ئۇرۇقى تالقىنىغا ھەسەل ئارىلاشتۇرۇپ مۇۋاپىق مىقداردا ئىچسە، ئۇنتۇغاقلىق، نېرۋا ئاجىزلىقىغا مەنپەئەت قىلىدۇ.

16. ۋاسالغۇنى سۇدا قاينىتىپ ئىچسە قان ئازلىق، نېرۋا ئاجىزلىق ۋە ئۇيقۇسىزلىققا شىپا بۇلىدۇ.

17. گاۋزىبان، ئاقلانغان يۇمغاقسۈت ئۇرۇقى، قىرقىلغان پىلە غۇزىسى، ئاق بەھمەن، بالەنگۇ ئۇرۇقى، ئېكەكلەنگەن ئاق سەندەل، پەرەنجىمىشكىلارنىڭ ھەر قايسىدىن 9 گرامدىن، ئەنبەردىن 1.5 گرام، كۆيدۈرۈلگەن مەرۋايىت 0.75 گرام، ناۋاتتىن 360 گرام ئېلىپ، ئىپار، ئەنبەر، مەرۋايىت، ناۋات قاتارلىق دورىلاردىن باشقىلىرىنى چالا سوقۇپ،1000 مىللىلىتىر سۇغا بىر سوتكا چىلاپ، ئاندىن 3/1 قىسمى قالغۇچە قاينىتىپ، سۈزۈپ ئۇنىڭ ئۈستىگە ناۋاتنى سېلىپ قىيام قىلىپ قىيام ئىلمان ھالغا كەلگەندە يۇمشاق سوقۇلغان ئەنبەر، مەرۋايىت، ئىپارلارنى سېلىپ تەكشى ئارىلاشتۇرۇپ تەييارلاپ كۈندە 2 قېتىم ھەر قېتىمدا 1.5 گرامدىن تاماقتىن كېيىن ئىستىمال قىلسا مېڭە، يۈرەكنى كۈچەيتىدۇ. نېرۋىنى تىنىچلاندۇرىدۇ.نېرۋا ئاجىزلىقى، خاپىخان، تۇتقاقلىق، ئايلىنىپ كېتىش قاتارلىق كېسەللىكلەرگە شىپا بولىدۇ.

18. گاۋزىبان، نېلۇپەر، قىزىلگۈل، گۈل بىنەپشە ھەر قايسىدىن 15 گرام، سانادىن 60 گرام، چىلاندىن 10 دانە، ئەينۇلىدىن 15 دانە، تەرخەمەك ئۇرۇقى، بادىرەنجى بۇيا ئۇرۇقى ھەر بىرىدىن 15 گرامدىن ئېلىپ چالا سوقۇپ،1500 مىللىلىتىر سۇغا بىر سوتكا چىلاپ، 3/1 قىسمى قالغۇچە سۇس ئوتتا قاينىتىپ سۈزۈپ، سۈزۈلگەن سۈينى تەرەنجىۋىل بىلەن قىيام قىلىپ ھەر قېتىدا 15~30 مىللىلىتىرغىچە ئىستىمال قىلسا، غەيرىي تەبىئى سەۋدا، سەپرا، بەلغەم خىلىتلىرىنى سۈزۈپ تازىلايدۇ. يۈرەكنى كۈچەيتىدۇ، نېرۋا كېسەللىكلىرىگە شىپا بولىدۇ، بۇ مۆتىدىل سۈرگە دورىسى بولۇپ ھەر قانداق مىجەزلىكلەرگە بۇلۇۋېرىدۇ.

19. ئەتىگەندە بادام مېغىزىدىن 7 دانە ئېلىپ يەپ ئارقىدىن 120 گرام سەۋزە سۈيىگە بىر جىڭ كالا سۈتىنى قۇشۇپ قاينىتىپ ئىچسە مېڭىنى كۈچلەندۈرىدۇ.

20. جاڭدۇنى گۆش بىلەن قورۇپ يەپ بەرسە مېڭە ۋە بەدەننى قۇۋۋەتلەيدۇ.

21. ئەتىرگۈل بىلەن قائىدە بۇيىچە گۈلقەنىت تەييارلاپ كۈندە 3 قېتىم، ھەر قېتىمدا 15 گرامدىن ئىستىمال قىلسا مېڭىنى قۇۋۋەتلەپ تۇسالغۇلارىنى ئاچىدۇ.

22. نېلۇپەر، بىنەپشىلەرنىڭ ھەر بىرىدىن 15 گرامدىن، ئاق لەيلىگۈلدىن 20 گرام، قارا سۆگەت يۇپۇرمىقى، بۇغداي كېپىكى قاتارلىقلانىڭ ھەر بىرىدىن 30 گرامدىن ئېلىپ، مۇۋاپىق مىقداردىكى سۇدا قاينىتىپ سۈيىدە يۇيۇنسا ئىسسقتىن بولغان باش ئاغرىقى، مېڭە پەردە ياللۇغى ۋە ھەر خىل مېڭە كېسەللىكلىرىگە شىپا بولىدۇ.

23. 10 دانە چىلان، 2 دانە تۇخۇ تۇخۇمى، 15 گرام ئالقات ئېلىپ چىلان، ئالقاتنى سۇدا يېرىم سائەت قاينىتىپ، ئۈستىگە تۇخۇمنى چېقىپ پىشۇرۇپ كۈندە 2 قېتىم يەپ بەرسە ئۇنتۇغاقلىق، ئۇيقۇسىزلىق، نېرۋا ئاجىزلىقى، باش ئاغرىقى، كۆز قاراڭغۇلىشىش قاتارلىقلارغا شپا بولىدۇ.

24.كىچىك چىلان مېغىزىدىن 3 گرامنى تالقان قىلىپ شېكەر بىلەن قۇشۇپ ئىچسە نېرۋا ئاجىزلىق بىلەن ئۇيقۇسىزلىققا شىپا بولىدۇ.

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى