ساغلاملىق

ئەيدىز توغرىسىدا (4)

 1. ئەيدىز خەۋپى زور، ئۆلۈم نىسبىتى يۇقىرى يۇقۇملۇق كېسەل بولۇپ، ئۇنىڭ ئالدىنى ئالغىلى بولىدۇ. ھازىر ئەيدىزنىڭ ئۈنۈملۈك ۋاكسىنىسى ۋە تەلتۆكۈس داۋالىيالايدىغان دورىسى يوق، لېكىن خېلى ياخشى داۋالاش ئۇسۇلى بار بولۇپ، ئۆمۈرنى ئۇزارتىپ، تۇرمۇش سۈپىتىنى ئۆستۈرگىلى بولىدۇ.

2. ئەيدىز جىنسىي ئۇچرىشىش، قان سۇيۇقلۇقى ۋە ئانىدىن بالىغا يۇقۇش قاتارلىق ئۈچ خىل يول ئارقىلىق تارقىلىدۇ. ئەيدىز ۋىرۇسى بىلەن يۇقۇملانغۇچى ۋە ئەيدىز  ئاغرىقى بىلەن كۈندىلىك تۇرمۇش، خىزمەتتىكى نورمال ئۇچرىشىشتىن يۇقمايدۇ.

3. پاك بولۇش، ئۆزىنى قەدىرلەش، جىنسىي ئەخلاققا رىئايە قىلىش ئەيدىز ۋە جىنسىي كېسەلنىڭ يۇقۇشىنىڭ ئالدىنى ئېلىشتىكى ئاساسىي تەدبىر.

4. سۈپىتى ئۆلچەملىك گاندون (بىخەتەرلىك قاپچۇقى)نى توغرا ئىشلىتىش ئارقىلىق، ئەيدىز ۋە جىنسىي كېسەللەر بىلەن يۇقۇملىنىش ۋە يۇقۇملاندۇرۇشنىڭ خەتىرىنى زور دەرىجىدە تۆۋەنلەتكىلى بولىدۇ.

5. شپىرىسنى ئورتاق ئىشلىتىپ ۋېنادىن زەھەرنى ئوكۇل قىلىش ئەيدىزنىڭ يۇقۇش ۋە تارقىلىشىدىكى خەتەرلىك ھەرىكەتتۇر. شۇڭا زەھەردىن قول ئۈزۈپ، ھاياتلىقنى قەدىرلەش لازىم.

6. بىھۇدە ئوكۇل سېلىش، قان سېلىش، قان ياسالمىلىرىنى ئىشلىتىشتىن ساقلىنىش لازىم. زۆرۈر تېپىلغاندا، ئەيدىز ۋىرۇسىنى تەكشۈرۈشتە ئۆلچەمگە يەتكەن قان سۇيۇقلۇقى ياكى قان ياسالمىلىرىنى، شۇنداقلا بىر قېتىملىق شپىرىس ياكى قاتتىق دېزىنفېكسىيىلەنگەن ئەسۋاپلارنى ئىشلىتىش لازىم.

7. ئەيدىز ۋىرۇسى بىلەن يۇقۇملانغان ھامىلىدارلار ياكى تۇغۇتلۇق ئاياللارغا ۋىرۇسقا قارشى دورىلارنى ئىشلىتىش، تۇغۇتىدا زەخىملەندۈرىدىغان مەشغۇلاتلارنى ئازايتىش، بالىنى ئانا سۈتى بىلەن بېقىشنى چەكلەش قاتارلىق ئالدىنى ئېلىش تەدبىرلىرىنى قوللۇنۇپ، ھامىلە ۋە بوۋاقنىڭ يۇقۇملىنىش ئېھتىماللىقىنى زور دەرىجىدە ئازايتقىلى بولىدۇ.

8. ئەيدىز توغرىسىدا ئىختىيارىي مەسلىھەت سوراش ۋە تەكشۈرتۈش يۇقۇملانغۇچىلار ۋە ئاغرىقلارنى بالدۇر بايقاشتىكى مۇھىم ئالدىنى ئېلىش – داۋالاش تەدبىرى.

9. ئەيدىز ۋىرۇسى بىلەن يۇقۇملانغۇچىلار ۋە ئەيدىز ئاغرىقلىرىغا كۆڭۈل بۆلۈش، ياردەم بېرىش، كەمسىتمەسلىك، ئۇلارنى ئەيدىزنىڭ ئالدىنى ئېلىش – داۋالاش خىزمىتىگە قاتنىشىشقا ئىلھاملاندۇرۇش ئەيدىزنىڭ تارقىلىشىنى تىزگىنلەشتىكى مۇھىم تەدبىر.

10. ئەيدىز شەخسكە، ئائىلىگە تەھدىت سالماقتا، جەمئىيەتنىڭ تەرەققىياتى ۋە مۇقىملىقىغا تەسىر يەتكۈزمەكتە، شۇڭا ئەيدىزنىڭ ئالدىنى ئېلىش پۈتكۈل جەمئىيەتنىڭ مەسئۇلىيىتى.

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى