ساغلاملىق

ۋىتامىنلارنى ماسلاشتۇرۇپ ئىستىمال قىلىڭ

ھەرخىل ۋىتامىنلار ئۆز-ئارا ھەمكارلىشىش خۇسىسىيىتىگە ئىگە، ئۇلار بىللە ئىستېمال قىلىنسا، ھەرقايسىسىنىڭ ئادەم بەدىنىدىكى رولى زور دەرىجىدە كۈچىيىدۇ مۇنداق ئېيتقاندا، ۋىتامىن يەككە ھالدا ئىستېمال قىلىنسا ماس ھالدىكى ۋىتامىن كەملىك كېسىلىنىڭ ئالدىنى ئالغىلى ۋە ئۇنى داۋالىغىلى بولمىسىمۇ، لېكىن ئەگەر ھەرخىل ۋىتامىنلار ئارىلاشتۇرۇپ ئىستېمال قىلىنىپ، ئۆز-ئارا ماسلاشتۇرۇپ ئىشلىتىلسە، ھەرقايسى ۋېتامىنلارنىڭ ئۈنۈمىنى تېخىمۇ يۇقىرى كۆتۈرگىلى بولىدۇ. 

ئۆز-ئارا ماسلاشتۇرۇپ ئىشلىتىشكە بولىدىغان ۋېتامىنلارنىڭ تۈرى ناھايىتى كۆپ، كىشىلەرنىڭ پايدىلىنىشى ئۈچۈن تۆۋەندىكى بىر قىسمىنى تونۇشتۇرىمىز. 

= ۋىتامىن A، ۋىتامىن B2، ۋىتامىن C، ۋىتامىن E لار ماسلاشتۇرۇپ ئىشلىتىلسە، ئادەم بەدىنىنىڭ ۋىتامىن A قوبۇل قىلىپ پايدىلىنىشىنى كۈچەيتكىلى بولىدۇ. ۋىتامىن B2 ۋە ۋىتامىن C بولسا ۋىتامىن E نىڭ رولىنى كۈچەيتىدۇ. 

= ۋىتامىن A ۋىتامىن D بىلەن، ۋىتامىن A ئاقسىل بىلەن ماسلاشتۇرۇپ ئىشلىتىلسە، ۋىتامىن A نىڭ ئاكتىپچانلىقىنى كۈچەيتىپ، ۋىتامىن A نى بەدەننىڭ ھەرقايسى ئورۇنلىرىغا يەتكۈزىدۇ. 

= ۋىتامىن B6 (ياكى يوپۇرماق كىسلاتاسى) ئاقسىل بىلەن بىللە ئىستېمال قىلىنسا، ئورگانىزىمنىڭ ئاقسىلدىن پايدىلىنىشىغا ۋە ماددا ئالماشتۇرىشىغا ياردەم بېرىدۇ، يوپۇرماق كىسلاتاسى ئاقسىلنىڭ بىرىكتۈرىلىشىگە ياردەم  بېرىدۇ. 

= ۋىتامىن A، ۋىتامىن C، ۋىتامىن E لار بىللە ئىستېمال قىلىنسا، ۋىتامىن E بىلەن ۋىتامىن C نىڭ ئۈنۈمى ئۇزۇنغىچە داۋاملىشىدۇ ۋە بۇ ئۈچ خىل ۋىتامىن ئۆز-ئارا بىر-بىرىگە ياردەم بېرىپ، ھەرقايسىسىنىڭ ئۈنۈمى يۇقىرى كۆتۈرىدۇ. 

= ۋىتامىن E بىلەن ۋىتامىن B2 ماسلاشتۇرۇپ ئىشلىتىلسە، ۋىتامىن E نىڭ رولى كۈچىيىدۇ. 

= B گۇرۇپپىدىكى ۋىتامىنلار، پانتوتېنىك كىسلاتا، نىكوتىن كىسلاتاسى قاتارلىقلار تەڭپۇڭلاشتۇرۇلۇپ ئىستېمال قىلىنسا، ئۇلار بىر-بىرىگە ياردەم بېرىپ، ھەرقايسىسىنىڭ ئادەم بەدىنىدىكى رولى كۈچىيىدۇ. 

= ۋىتامىن B6 نىكوتىن كىسلاتاسى بىلەن ماسلاشتۇرۇپ بىللە ئىشلىتىلسە، نىكوتىن كىسلاتاسىنىڭ ئادەم بەدىنىدە بىرىكتۈرۈلىشىگە ياردىمى بولىدۇ. 

= ۋىتامىن B2 بىلەن ۋىتامىن B6 بىللە ئىشلىتىلسە، ۋىتامىن B6 نىڭ ئاكتىپچانلىقى تېخىمۇ يۇقىرى كۆتۈرىلىدۇ. 

= ۋىتامىن B1 بىلەن ۋىتامىن C بىللە ئىشلىتىلسە، پاركىنسون يىغىندى كېسەللىك ئالامىتىگە گىرىپتار بولغاندا كۆرۈلدىغان تىتىرەش، تارتىشىش، تەڭپۇڭلۇقىنى يوقىتىش قاتارلىق ئالامەتلەرنى پەسەيتكىلى بولىدۇ. 

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى