خاتىرەم

نېمە دەپ رەنجىيمەن ھايات سېنىڭدىن


(ئاپتورى:نامەلۇم)

نېمە دەپ رەنجىيمەن ھايات سېنىڭدىن،
ئۆزگىدەك ئۆزۈمنى سۆيمىگەن تۇرسام.
نېمە دەپ زارلايمەن سىناقلىرىڭدىن،
مەن تېخى ئۆتكەلدىن ئۆتمىگەن تۇرسام.

نېمە دەپ رەنجىيمەن ئۆزۈمدىن يەنە،
ئۆزۈمگە ئۆزۈمدەك  كۆيمىگەن  تۇرسام.
نېمە دەپ رەنجىيمەن ئۆزگىدىن  يەنە،
ئىشىنىپ سىر بەرگەن دەل ئۆزۈم تۇرسام.

نېمە دەپ رەنجىيمەن يالغۇزلۇقۇمدىن،
بۇ يولنى  تاللىغان ھەم ئۆزۈم تۇرسام.
نېمە دەپ رەنجىيمەن كۆز ياشلىرىمدىن،
يىغلاتقان گۇناھكار دەل ئۆزۈم تۇرسام.  

نېمە دەپ زارلايمان كىرپكلىرىمدىن  ،
ئۇيقىسىز تاڭلارغا باشلىغان تۇرسام.
نېمىشقا كۈلمەيمەن تىلىقىپ بىررەت،
مەنمۇ ھەم كۈلۈشكە يارالغان تۇرسام.

مەنبە: ئەسما ئەدەبىيات مۇنبىرى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى