ساغلاملىق

چاچ چۈشۈشنى پەيدا قىلىدىغان يەتتە چوڭ سەۋەب

چاچ,ئامالسىز

ناچار چاچ بوياش بۇيۇملىرىنى ئىشلىتىش:

سۈپەتسىز چاچ بوياش ۋە چاچ ئاسراش بۇيۇملىرى ئاسانلا چاچلارنى زەئىپلەشتۈرۈپ چاچ چۈشۈشنى پەيدا قىلىدۇ.

چاچنىڭ بەك چىڭ تارتىلىپ تۇرۇشى:

چاچنىڭ بەك چىڭ تارتىلىپ تۇرۇشى چاچ يىلتىزىنىڭ زەخىملىنىشى، چاچلارنىڭ يېرىلىش ياكى چۈشۈپ كېتىشنى كەلتۈرۈپ چىقىرىدۇ، بۇ خىل سەۋەبتىن پەيدا بولغان چاچ چۈشۈش ئاساسلىقى چېكە ئەتراپى ۋە باشنىڭ ئىككى تەرىپىدىن كۆرۈلىدۇ.

كېلىماكتىرىيە دەۋرى:

ھەيز كېسىلىش مەزگىلىدە تۇرۇۋاتقان ئاياللارنىڭ ئاياللىق ھورمۇننىڭ ئاجرىلىپ چىقىشىدا تەڭپۇڭسىزلىق كۆرۈلۈپ، كەيپىياتى تۇراقسىزلىشىدۇ، پىسخىكىلىق بېسىمى ئېشىپ كېتىدۇ، شۇنىڭ بىلەن چېچى چۈشۈپ كېتىدۇ.

ئىممۇنىتېت سىستېمىسى كېسەللىكلىرى:

ئاق كېسەل ۋە قىزىل داغلىق بۆرە چاقىسى قاتارلىق كېسەللىكلەرنىڭ ھەممىسى دائىرىلىك چاچ چۈشۈشنى پەيدا قىلىدۇ، بۇ خىل ئەھۋال ئەر ئايال ۋە قېرى ياشلارنىڭ ھەممىسىدىلا  يۈز بېرىشى مۇمكىن.

چاچ

تېز سۈرئەتتە ئورۇقلاش:

ئورۇقلاش سۈرئىتىنىڭ بەك تېز بولۇشىمۇ چاچ چۈشۈشنى پەيدا قىلىدۇ، ئادەتتە بۇ خىل چاچ چۈشۈشنى ئوڭشىۋالغىلى بولىدۇ، بىراق ئىشتىھاسىزلىق قاتارلىق ئوزۇقلىنىش قالايمىقانلىشتىن پەيدا بولغان چاچ چۈشۈشتىن ھوشيار بولۇشى كېرەك، چۈنكى بۇ خىل ئەھۋالدا بەدەن زۆرۈر بولغان ئوزۇقلۇق ماددىلار ۋە ۋىتامىنلارغا ئېرىشەلمەيدۇ، چاچ ساغلاملىقىغا كاپالەتلىك قىلغىلى بولمايدۇ.

قالقانبەز كېسەللىكى:

قالقانبەز ئىقتىدارىنىڭ نورمالسىزلىقى چاچ چۈشۈشنى پەيدا قىلىدىغان دائىملىق سەۋەبلەرنىڭ بىرى بولۇپ، مەيلى قالقانبەز خىزمىتى ئېشىپ كېتىش بولسۇن ياكى قالقانبەز خىزمىتى ئاجىزلاش بولسۇن، ھەممىسىلا كۆپ مىقداردا چاچ چۈشۈشنى پەيدا قىلىدۇ، بۇ خىل ئەھۋالدا چوقۇم ئالدى بىلەن كېسەللىكنى داۋالىتىش كېرەك.

پىسخىكىلىق زەربە ياكى بېسىمنىڭ ئارتىپ كېتىشى:

پىسخىكىلىق زەربە ياكى بېسىمنىڭ ئارتىپ كېتىشىمۇ چاچ چۈشۈشنى پەيدا قىلىدۇ، بۇ خىل ئەھۋال يۈز بەرسە، ئادەتتە يېرىم يىلدىن بىر يىلغىچە پەرۋىش قىلىش ئارقىلىق چاچلارنى ئەسلىگە كەلتۈرگىلى بولىدۇ.

مەنبە: نۇر تورى

تارىختىكى بۈگۈندە:

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

*

code

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى