ساغلاملىق

ئەيدىز بىمارلىرى ئىممۇنىتېت كۈچىنى قانداق ئاشۇرىدۇ؟

ئەيدىز بىمارلىرى ئىممۇنىتېت كۈچىنى قانداق ئاشۇرىدۇ؟

ئەيدىز كېسەللېكىنىڭ ئاساسلىقى ئادەم بەدىنىدىكى ئىممۇنىتېت ھۈجەيرىلىرىگە بۇزغۇنچىلىق قىلىدىغانلىقىنى ھەممىمىز بىلىمىز، شۇڭا ئىممۇنىتېت كۈچىنى ئاشۇرۇش كىشىلەر ئەڭ كۆڭۈل بۆلىدىغان مەسىلىلەرنىڭ بىرى بولۇپ، نېمە يېسە ئىممۇنىتېت كۈچىنى ئاشۇرغىلى بولىدىغانلىقىنى بىلىشنى ئۈمىد قىلىدۇ.

ئەمەلىيەتتە، ئىممۇنىتېت كۈچىنى يۇقىرى كۆتۈرۈشنىڭ ئەڭ ئۈنۈملۈك ئۇسۇلى يەنىلا ۋىرۇسقا قارشى داۋالاش، مانا بۇ نېمە ئۈچۈن خەلقئارا ۋە دۆلەت ئىچىدىكىلەر ئەيدىز ۋىرۇسىنى بايقىغان ھامان داۋالاشنى تەشەببۇس قىلىشىنىڭ سەۋەبى. پەقەت ۋاقتىدا داۋالىغاندا ئىممۇنىتېت سىستېمىسىغا بولغان بۇزغۇنچىلىق ئەڭ كىچىك بولىدۇ، ۋاقتىدا داۋالاش كېيىنكى مەزگىلدىكى ئىممۇنىتېتنى قايتا قۇرۇشتا ئىنتايىن مۇھىم رول ئوينايدۇ، داۋالاش قانچە كېيىن بولسا ئىممۇنىتېت سىستېمىسىنىڭ ئەسلىگە كېلىشى شۇنچە ئاستا، شۇنچە ناچار بولىدۇ. شۇڭا، دەسلەپكى مەزگىلدىكى داۋالاش ئىنتايىن مۇھىم بولۇپ، دورا ئىچىش ۋە مۇۋاپىق بولغان داۋالاش لايىھەسى ئىممۇنىتېت كۈچىنى يۇقىرى كۆتۈرۈشنىڭ ئەڭ مۇھىم ئۇسۇلى ھېسابلىنىدۇ.

ساغلاملىق مەھسۇلاتلىرى ياكى يېمەكلىكلەرنىڭ ئىممۇنىتېت كۈچىنى ئاشۇرۇشقا ياردىمى بارمۇ؟ نېمە يېسە ياخشى بولىدۇ؟

ساغلاملىق مەھسۇلاتلىرى ۋە يېمەكلىكلەرنىڭ ئىممۇنىتېت كۈچىنى ئاشۇرۇشتا بەلگىلىك قوشۇمچە ئۈنۈمى بار، لېكىن ئۈنۈمى ئانچە ياخشى بولماسلىقى مۇمكىن. ئەمما ئىممۇنىتېت كۈچى ئېغىر دەرىجىدە زىيانغا ئۇچرىغانلارغا نىسبەتەن، مۇۋاپىق ئوزۇقلىنىش قاتارلىقلار ئۇسۇللار ئارقىلىق ئىممۇنىتېت ھالىتىنى ساقلاپ قالغىلى بولىدۇ.

يېمەكلىك بىزنىڭ ئېنېرگىيە مەنبەيىمىز، يېمەك-ئىچمەك ياخشى بولماسلىق سەۋەبىدىن ئىممۇنىتېت كۈچى تۆۋەنلەپ كېتىشنىڭ ئالدىنى ئېلىش ئۈچۈن، تەركىبىدە يۇقىرى ئوزۇقلۇق، يۇقىرى ئاقسىللىق، تۆۋەن مايلىق يېمەكلىكلەرنى (بەزى دورىلار بىزنىڭ ماددا ئالماشتۇرۇشىمىزدا بىنورماللىق پەيدا قىلىدۇ) ئىستېمال قىلىشقا دىققەت قىلىشىمىز، كۆپ خىل، ئاز مىقداردىكى تەڭپۇڭلۇقنى پىرىنسىپ قىلىپ، چالا پىشقان ۋە سوغۇق يېمەكلىكلەرنى ئىستېمال قىلماسلىقىمىز لازىم. مۇۋاپىق بەدەن چېنىقتۇرۇشقا ئەھمىيەت بېرىش ئىنتايىن زۆرۈر، ھەرىكەت مىقدارىنى ئۆز ئەھۋالىغا قاراپ تەڭشەش كېرەك.

مۇۋاپىق يېمەك-ئىچمەكتىن باشقا يەنە بەزى ئامىللار ئىممۇنىتېت كۈچىنى يۇقىرى كۆتۈرۈشتە ئىنتايىن مۇھىم بولۇپ، يۈكسەك ئەھمىيەت بېرىشكە توغرا كېلىدۇ. ئۇ بولسىمۇ قانۇنىيەتلىك تۇرمۇش رېتىمى، يېتەرلىك ئۇيقۇ، ياخشى پىسخىك ھالەت، يەنە ناچار خۇمارى بولماسلىققا دىققەت قىلىش.

ۋىرۇس كونترول قىلىندى، ئەمما CD4 يەنىلا يۇقىرى كۆتۈرۈلمىدى، بۇ قانداق ئىش؟

بۇ خىل ئەھۋال ئىممۇنولوگىيەلىك قايتا قۇرۇشنىڭ ناچارلىقى دەپ ئاتىلىدۇ، ئىممۇنولوگىيەلىك قايتا قۇرۇشنىڭ ناچارلىقىنى نۇرغۇن ئامىللار كەلتۈرۈپ چىقىرىدۇ. كىلىنىكىلىق ئالاھىدىلىكىدىن قارىغاندا، ئىممۇنىتېتنى قايتا تىكلەشنىڭ ناچار بولۇشى يېشى چوڭلار، ئەرلەر، تۆۋەن CD4 + T لىمغا ھۈجەيرىسىنى داۋالاش ئاساسىي سىزىقىدىكىلەر، HIV-1 بىلەن يۇقۇملىنىش ۋاقتى ئۇزۇن بولغانلار، HCV بىلەن بىرلىشىپ يۇقۇملانغانلاردا كۆپ كۆرۈلىدۇ. بۇ قىسىم كىشىلەر ئاز ساندىكى بىمارلارغا تەۋە بولۇپ، بۇلارنىڭ ئىممۇنىتېت كۈچىنى ئاشۇرۇش خەلقئارالىق قىيىن مەسىلىگە تەۋە.

نۆۋەتتە، دەسلەپكى مەزگىلدىكى ۋىرۇسقا قارشى داۋالاشنى قانات يايدۇرۇشتىن باشقا، ئىممۇنولوگىيەلىك قايتا قۇرۇش ئەڭ ئۈنۈملۈك لايىھە دەپ قارالماقتا. بۇنىڭدىن باشقا، ئىممۇنىتېتنى ئەسلىگە كەلتۈرۈش ناچار بولغان ھەر خىل ئامىللارغا قارىتا، ئادەم ئىشلەتكۈچى قايتا گۇرۇپپىلانغان ئۆستۈرگۈچى ھورمۇن (0.7 ~ 3mg/d) تۆش بېزىنىڭ چوڭ-كىچىكلىكىنى كۆرۈنەرلىك ياخشىلاپ، گۆدەك تىپتىكى CD4 + T لىمفا ھۈجەيرىسىنىڭ چىقىرىلىشىنى ئاشۇرىدۇ. ئىممۇنىتېتنى تورمۇزلىغۇچى دورىلار، مەسىلەن: سىكلوسىپورىن A، گلۇكوكورتىكوئىد، ھىدروكسى ئۇرېيە، خلوروكۇئىن ياكى ھىدروكسى خلوروكۇئىن، شۇنىڭدەك جۇڭگو تېبابىتى دورىسى لېيگۇڭتېڭ قاتارلىقلارنىڭ ھەممىسى ئىممۇنىتېتنى ئاكتىپلاشتۇرۇش سەۋىيەسىنى تۆۋەنلىتىپ، CD4 + T لىمفا ھۈجەيرىسىنىڭ سانىنى ئاشۇرىدۇ.

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى مانا ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى