ساغلاملىق

سوزۇلما خاراكتېرلىك ئاشقازان ياللۇغى

تونۇش: سوزۇلما خاراكتېرلىك ئاشقازان ياللۇغى ئاشقازان شىللىق پەردىلىرىنىڭ تەكرار ياللۇغلىنىشىدىن كۆرۈلىدىغان، بىماردا دائىم ئىشتىھا تۇتۇلۇش، يۇقىرىقى قورساق ساھەسى يېقىمسىزلىنىش، ئاغرىش ۋە ھەزىم ياخشى بولماسلىق ئالامەتلىرى بىلەن ئىپادىلىنىدىغان ھەم كۆرۈلۈش نىسبىتى يۇقىرى بولغان كېسەللىكتىن ئىبارەت. 

سەۋەبى: ئۆتكۈر خاراكتېرلىك ئاشقازان ياللۇغىنىڭ ۋاقتىدا تولۇق ساقايماسلىقى، تاماقلارنىڭ فىزىكا-خىمىيىلىك غىدىقلاش تەسىرى، يەنى بەك تويۇنۇپ غىزالىنىش، يۇقىرى گىرادۇسلۇق ھاراق ئىچىش، بەك قىزىق تاماق ئىستېمال قىلىش، قېنىق چاي ئىچىش، تاماكا چېكىش، ھەرىىل تەم تەڭشىگۈچلەرنى كۆپ ئىشلىتىش ھەمدە ئۆت سويۇقلۇقىنىڭ تەتۈر ئېقىشى ۋە باشقا ئۈستۈنكى نەپەس يوللىرىنىڭ ياللۇغلىنىشى، ۋىتامىن يېتىشمەسلىك، يۈرەك خىزمىتىنىڭ توسقۇنلۇققا ئۇچرىشى، جىگەر دەرۋازا ۋېنا بېسىمى يۇقىرىلاش، روھىي جىددىيلىك قاتارلىقلار سەۋەبىدىن كۆرۈلىدۇ. 

ئالامىتى: سوزۇلما خاراكتېرلىك ئاشقازان ياللۇغى كېسەللىك جەريانى ئۇزۇن، تەكرار قوزغىلىدىغان كېسەللىك. بەزى بىمارلاردا روشەن ئىپادىلەر بولمايدۇ. ئىپادىلەر كۆرۈلگەندىمۇ بىماردا داۋاملىق ياكى تاماقتىن كېيىن ئۈستۈنكى قورساق كۆپۈپ بىئارام بولۇش ياكى ئاغرىش بىلەن بىللە كۆپىنچە كېكىرىش، ئاچچىق سۇ ياندۇرۇش، كۆڭۈل ئېلىشىش، قۇسۇش، ئىشتىھا تۇتۇلۇش ئالامەتلىرى كۆرۈلىدۇ. كېسەللىك ئۆزگىرىشى ئېغىرلاشقاندا قۇسۇق بىلەن بىللە قان كېلىش، ئاشقازان سۇيۇقلۇقى كۆپىيىش، بەزى ھاللاردا قىزىتىش، چارچاش ئىپادىلىرى كۆرۈلىدۇ. كېسەللىك تەرەققىياتىغا ئەگىشىپ بىماردا ئورۇقلاش، قان ئازلىق ئىپادىلىرى كۆرۈلىدۇ. 

داۋالاش پىرىنسىپى: ياللۇغ قايتۇرۇش، ئاغرىق پەسەيتىش، ھەزىمنى ياخشىلاش، ئاشقازاننى قۇۋۋەتلەش مەقسىتىدە داۋالاش ئېلىپ بېرىلىدۇ. 

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى مانا ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى