ساغلاملىق

بالىلاردىكى قۇلاق ئاغرىقى

بالىلاردىكى قۇلاق ئاغرىقى-بالىلارنىڭ قۇلىقىدىن سۇ ئېقىش، قۇلاق ئاغرىش بىلەن ئىپادىلىنىدىغان كېسەللىك بولۇپ، بەزىلەردە بىر قۇلاق بەزىلەردە ئىككى قۇلاق تەڭ ئاغرىيدۇ. 

سەۋەبى: بالىلارغا ئاشقازاننى سۇسلاشتۇرغۇچى، سۇغۇق يەل پەيدا قىلغۇچى يېمەكلىكلەرنى كۆپ بېرىش، ئىسسىقلىقنىڭ تەسىرىدىن بولغان ياللۇغلىنىش ۋە قۇلاققا ھەرخىل سەۋەبىدىن سۇ كىرىپ كېتىش سەۋەبىدىن مەزكۇر كېسەللىك كېلىپ چىقىدۇ. 

ئالامىتى: بالا قۇلاق ئاغرىشتىن شىكايەت قىلىدۇ ياكى قۇلىقىنى تۇتۇپ يىغلايدۇ. ھارارەت سەۋەبىدىن پەيدا بولغان بولسا قۇلاققا سوغۇق نەرسىلەرنى ياققاندا خوش ياقىدۇ. سوغۇقلۇق سەۋەبىدىن پەيدا بولغان بولسا، ئىسسىق ئۆتكۈزسە ئاغرىق پەسىيىدۇ. مېڭە پەردە ياللۇغى تەسىرىدىن بولغان بولسا باش ۋە قۇلاق قوشۇلۇپ ئاغرىيدۇ. داۋاملىق قىزىيدۇ، قۇلاق ئەتراپى قىزىرىدۇ، تۇتقاندا قىزىق بىلىنىدۇ. 

داۋالاش پىرىنسىپى: ياللۇغ قايتۇرۇش، ئاغرىق پەسەيتىش مەقسىتىدە داۋالاش ئېلىپ بېرىلىدۇ. 

يەككە دورىلار بىلەن داۋالاشتا: 

1-رېتسىپ: بادام يېغى بىلەن ھەسەلدىن مۇۋاپىق مىقداردا ئېلىپ، پىلتە تەييارلاپ كۈندە ئۈچ قېتىم قۇلاققا تېمىتىپ بەرسە قۇلاق ئاغرىقىغا مەنپەئەت قىلىدۇ. 

2-رېتسىپ: كۈندە ئۈچ ۋاق ئايال كىشىنىڭ سۈتىنى قۇلاققا تېمىتىپ بېرىلسە قۇلاق ئاغرىقىغا مەنپەئەت قىلىدۇ. 

3-رېتسىپ: گۈل يېغى ۋە بىدەنجىر يېغىدىن مۇۋاپىق مىقداردا ئېلىپ كۈندە ئىككى ۋاخ ئىلمان ھالەتتە قۇلاققا تېمىتىپ بېرىلسە سوغۇقتىن بولغان قۇلاق ئاغرىقىغا ۋە قۇلاق غوڭۇلداشقا مەنپەئەت قىلىدۇ. 

4-رېتسىپ: سېرىق ياغ بىلەن توخو تۇخۇمىنىڭ ئېقىنى ئارىلاشتۇرۇپ قۇلاقنىڭ تېشىغا سۈركەپ بەرگەندە قۇلاقتىكى پۈتۈن ئاغرىقلارنى يوق قىلىدۇ. 

5-رېتسىپ: بابۇنىدىن مۇۋاپىق مىقداردا ئېلىپ، قاينىتىپ قۇلاقنى ھوردىغا تۇتۇپ تۇرۇپ بەرسە ئاغرىق پەسەيتىدۇ. 

6-رېتسىپ: بەدىيان يوپۇرمىقىدىن مۇۋاپىق مىقداردا ئېلىپ سىقىپ سۈيىگە ئاق پاختىنى چىلاپ قۇلاققا تېمىتىپ بەرسە قۇلاق ئاغرىقىغا مەنپەئەت قىلىدۇ. 

دىققەت قىلىدىغان ئىشلار:  يەللىك، غىدىقلىغۇچى، سوغۇق تەبىئەتلىك يېمەكلىكلەردىن پەرھىز قىلىنىدۇ. 

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى مانا ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى