ساغلاملىق

قاندىكى ماي كۆپىيىش كېسىلى ئالاھىدە بىرخىل كېسەللىك ئەمەس

قاندىكى ماي كۆپىيىش كېسىلى- نوقۇل قاندا خولېستېرىن كۆپىيىش كېسىلى، نوقۇل قاندا ترىگلىتسېرىد كۆپىيىش كېسىلى ياكى ئىككىسى قوشۇلۇپ كەلگەن قاندىكى ماي مېتابولىزمى قالايمىقانلىشىش مەنبەلىك كېسەللىكنى كۆرسىتىدۇ. ئۇنىڭ كېسەللىك سەۋەبى ئىنتايىن مۇرەككەپ بولۇپ، كۆپىنچە ئىرسىيەت گېنىنىڭ كەمتۈكلۈكىدىن كېلىپ چىقىدۇ. مەسىلەن، ئۇرۇقداشلىق خاراكتېرلىك قاندا خولېستېرىن ئارتىپ كېتىش كېسىلى، كۆپ گېنلىق ئۇرۇقداشلىق خاراكتېرلىك قاندا خولېستېرىن كۆپىيىش كېسىلى، ئۇرۇقداشلىق خاراكتېرلىك قاندا ترىگلىتسېرىد كۆپىيىش كېسىلى قاتارلىقلار. ئۇنىڭدىن سىرت يەنە يېمەك-ئىچمەكتە ماي كۆپ بولۇش، بولۇپمۇ تۇيۇنمىغان ماي كىسلاتالىرى كۆپ مىقداردا بولۇش، ئۇزۇن مۇددەت تاماكا چېكىش، ھاراقنى كۆپ ئىچىش، ئاز ھەرىكەت قىلىش، سېمىزلىك يتاكى بەزى دورىلارمۇ كەلتۈرۈپ چىقىرىدۇ. يەنە مەلۇم كېسەللىكلەر، مەسىلەن، دىئابېت كېسىلى، بۆرەك كېسىلى، قالقانسىمان بەز كېسىلى، قاندا سۈيدۈك كىسلاتاسى كۆپىيىش كېسىلى، سىستېمىلىق قىزىل داغلىق بۆرە چاقىسى قاتارلىقلارمۇ كەلتۈرۈپ چىقىرىدۇ. شۇڭا، قاندىكى ماي كۆپىيىش كېسىلىنىڭ سەۋەبىمۇ خىلمۇ خىل بولۇپ، ئۇ بىر خىل ئالاھىدە كېسەللىك ئەمەس، بەلكى بىر گۇرۇپپا كېسەللىك بولۇپ ھېسابلىنىدۇ. 

شىنجاڭ ساغلاملىق تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى مانا ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى