ساغلاملىق

ئەيدىز كېسىلى بىلەن يۇقۇملانغۇچىلاردا پۇت تەمرەتكىسى بولسا باشقىلارغا يۇقامدۇ؟

پۇت تەمرەتكىسى ئادەتتە پۇتتىكى زەمبۇرۇغدىن يۇقۇملىنىشنى كۆرسىتىدۇ، پۇت تەمرەتكىسى زەمبۇرۇغىدىن يۇقۇملىنىش بىر خىل پۈتۈن دۇنيا مىقياسىدا كەڭ تارقالغان دائىم كۆرۈلىدىغان كېسەللىك بولۇپ، بۇ خىل يۇقۇملىنىش كۆپ خىل ئوخشاش بولمىغان كىلىنىكىلىق تىپلارنى كەلتۈرۈپ چىقىرىدۇ. مەسىلەن پۇت تەمرەتكىسى، بەدەن تەمرەتكىسى، يوتا تەمرەتكىسى، باش تەمرەتكىسى، تىرناق تەمرەتكىسى قاتارلىقلار.

ئەيدىز كېسىلى بىلەن يۇقۇملانغۇچىلاردا پۇت تەمرەتكىسى بولسا باشقىلارغا يۇقامدۇ؟

بۇ بىر خىل يۇقۇملۇق كېسەللىك.

1. ئۆزىنىڭ بەدىنىدە يۇقىدۇ، مەسىلەن پۇت تەمرەتكىسى بار كىشىلەر قول بىلەن تاتىلاش ئارقىلىق تەمرەتكە زەمبۇرۇغلىرىنى بەدەننىڭ باشقا قىسىملىرىغا يۇقتۇرىدۇ؛

2. مۇنچا، مېھمانخانا قاتارلىق سورۇنلاردىكى ساپما كەش قاتارلىقلار ئارقىلىق ئادەملەر ئارىسىدا تارقىلىدۇ؛

3. ئائىلە ئەزالىرى ئارىسىدا تېخىمۇ ئاسان يۇقىدۇ، چۈنكى ئائىلە ئەزالىرى شەخسىي تۇرمۇش بۇيۇملىرىنى دائىم ئورتاق ئىشلىتىدۇ.

تېرە تەمرەتكىسى زەمبۇرۇغى بىلەن يۇقۇملانغاندا، ئەگەر تېرىدىكى زەخمىلەرنىڭ دائىرىسى كەڭ بولسا، پۈتۈنلەي داۋالاپ ساقايتىش ناھايىتى تەس. بۇ شەخسنىڭ تازىلىقى، مەلۇم ئورۇنلارنىڭ يۇقۇملىنىش كېسەللىك مەنبەسىنىڭ بىر قەدەر چوڭقۇر بولۇشى، دورا يېيىشنىڭ قىيىن بولۇشى قاتارلىق ئامىللار بىلەن زىچ مۇناسىۋەتلىك. ھورمۇن ئىشلەتكەن ياكى ئىممۇنىتېت كۈچى تۆۋەنلەپ كەتكەن كىشىلەر تېخىمۇ ئاسان يۇقۇملىنىدۇ، مەسىلەن ئەيدىز كېسىلى بىلەن يۇقۇملانغۇچىلار.

ئەيدىز كېسەللىكى ئادەم ئىممۇنىتېت كەمتۈكلۈك ۋىرۇسى يەنى ئەيدىز ۋىرۇسى بىلەن يۇقۇملىنىشتىن كېلىپ چىقىدىغان ئېرىشمە ئىممۇنىتېت كەمتۈكلۈك كېسەللىكىدىن ئىبارەت. ئەيدىز ۋىرۇسى ئادەم بەدىنىنىڭ ئىممۇنىتېت كۈچىنى بۇزۇپ، CD4+T لىمفا ھۈجەيرىسىنى ئازلىتىپ مەلۇم دەرىجىگە يەتكەندە، ئادەم تېرىسىنىڭ قىسمەن ھۈجەيرىلىرىنىڭ ئىممۇنىتېت ئىقتىدارى تۆۋەنلەپ، قىسمەن دائىرىدە ياشايدىغان زەمبۇرۇغلار ئاسانلا ئۇششاق زەخىملىنىش ئارقىلىق يۇقۇملىنىشنى، ھەتتا يۇقۇملىنىشنىڭ پۈتۈن بەدەنگە تارقىلىشىنى كەلتۈرۈپ چىقىرىدۇ.

ئەيدىز كېسىلى بىلەن يۇقۇملانغۇچىلاردا پۇت تەمرەتكىسى بولسا باشقىلارغا يۇقامدۇ؟

بۇ خىل يۇقۇملىنىش پۇرسەتلىك يۇقۇملىنىش دەپ ئاتىلىدۇ، زەمبۇرۇغلار ئادەم بەدىنىدىكى ئىممۇنىتېت كەمتۈكلۈكتىن ئىبارەت بۇ «پۇرسەت»نى تۇتۇۋالىدۇ. كىلىنىكىدا ئەيدىز كېسىلى بىلەن يۇقۇملانغۇچىلارنىڭ كۆپىنچىسىدە ئېغىر «پۇت تەمرەتكىسى» مەۋجۇت، ئەلۋەتتە ئادەتتىكى كىشىلەردىمۇ بۇ خىل ئەھۋال مەۋجۇت.

ئەيدىز كېسىلى بىمارلىرىدىكى پۇت تەمرەتكىسى باشقا كىشىلەردىكى پۇت تەمرەتكىسىگە ئوخشاش ئادەم بىلەن ئادەم ئارىسىدا تارقىلىدۇ.

ئەيدىز كېسىلى بىلەن يۇقۇملانغۇچىلاردا پۇت تەمرەتكىسى بولسا باشقىلارغا يۇقامدۇ؟

ئەيدىز بىمارلىرىدا پۇت تەمرەتكىسى بولغانلىقتىن، ئەيدىز كېسىلىنىڭ تارقىلىش پۇرسىتى كۆپىيىپ، پۇت تەمرەتكىسى ئارقىلىق ئەيدىز ۋىرۇسىنى باشقىلارغا تېخىمۇ ئاسان تارقىتامدۇ؟ بۇ نۇرغۇن كىشىلەر تېخىمۇ ئەندىشە قىلىدىغان مەسىلە. بىللە تۇرغان كىشىلەر ئىچىدە ئەگەر ئەيدىز كېسىلى بىلەن يۇقۇملانغان بىرەيلەندە پۇت تەمرەتكىسى بولسا، ئۇ كىيگەن ئاياغنى باشقىلار كىيسە، بەزىلەر مۇشۇ سەۋەبتىن ئەيدىز ۋىرۇسى بىلەن يۇقۇملىنىپ قېلىشتىن ئەنسىرەيدۇ.

بۇنى ئەيدىز كېسىلىنىڭ تارقىلىش يولىدىن باشلاپ سۆزلەشكە توغرا كېلىدۇ.

ئەيدىز كېسىلىنىڭ جىنسىي مۇناسىۋەتتىن، قاندىن ۋە ئانىدىن بالىغا يۇقىدىغان ئۈچ چوڭ ئاساسلىق يۇقۇش يولى بار، ۋىرۇسلار تېرە ياكى شىللىق پەردىلەرنىڭ زەخىملىنىشىدىن يۇقۇملىنىدۇ. ئەيدىز كېسىلى بىلەن يۇقۇملانغۇچىلار پۇت تەمرەتكىسى سەۋەبىدىن ئېغىر بولغاندا زەمبۇرۇغ بىلەن يۇقۇملانغان جاراھەت يۈزىدىن قان چىقىپ، مۇھىتتىكى باشقا نەرسىلەرنى بۇلغايدۇ، مەسىلەن، ساپما كەش قاتارلىقلار، ئۇنىڭدىن كېيىن قىسقا ۋاقىت ئىچىدە ئوخشاشلا تېرىسى زەخىملەنگەن باشقا كىشىلەر بۇ يېڭى قان بىلەن يارا ئېغىزى ئۇچراشسا يۇقۇملىنىش ئېھتىماللىقى بار، شۇڭا كۈندىلىك تۇرمۇشىمىزدا تېرىمىز زەخىملىنىپ، قان بار جىسىملارنىڭ سىرتقى يۈزىگە تېگىش ئېھتىمالى بولغاندا، يارىمىزنى ئاسراشقا دىققەت قىلىپ، بۇ خىل تارقىلىشنىڭ ئالدىنى ئېلىشىمىز كېرەك.

ئەيدىز كېسىلى بىلەن يۇقۇملانغۇچىلاردا پۇت تەمرەتكىسى بولسا باشقىلارغا يۇقامدۇ؟

ئېھتىياتسىزلىقتىن ئۇچراشقاندىن كېيىن دىققەت قىلىش كېرەك

1. يۇيۇش ۋە دېزىنفېكسىيەلەش، ئادەتتە ئېقىن سۇدا يۇيۇش ياكى سوپۇن، ئەتىر سوپۇنلار بىلەن تېرە يۈزىدىكى يېپىشىۋېلىش ئېھتىمالى بولغان پاسكىنا نەرسىلەرنى تەلتۆكۈس تازىلىۋەتكەندە، بۇ خىل يۇقۇملىنىشتىن ئەڭ زور دەرىجىدە ساقلانغىلى بولىدۇ؛

2. سىرتقا چىققاندا بىر قېتىملىق ساپما كەش ياكى شەخسىي تۇرمۇش لازىمەتلىكلىرىنى ئىشلىتىش كېرەك.

3. ۋاننا، پۇت دېسى، يۇيۇنۇش كۆلچىكىنى ئىشلىتىشكە توغرا كەلگەندە، چوقۇم تەكشۈرۈش، دېزىنفېكسىيە قىلىپ ئاندىن خاتىرجەم ئىشلىتىش كېرەك.

ئەمەلىيەتتە بۇ خىل ئەھۋالنىڭ يۈز بېرىش ئېھتىماللىقى ئىنتايىن كىچىك، ئېتىبارغا ئېلىنمىسىمۇ بولىدۇ؛ بۇنىڭدىكى ئاساسلىق سەۋەب ئەيدىز ۋىرۇسىنىڭ تاشقى دۇنيادا ئۇزاق مۇددەت ياشىيالمايدىغانلىقىدا، بولۇپمۇ قۇرغاق جىسىمنىڭ سىرتقى يۈزىدە ۋىرۇسنىڭ ياشاش مۇھىتى ۋە ئېھتىياجلىق بولغان پارازىتلىق ھۈجەيرىلىرى كەمچىل بولغانلىقتىن، ئۇزاق ئۆتمەي ئۆزلۈكىدىن يوقىلىدۇ ياكى يۇقۇملىنىش ئىقتىدارىنى يوقىتىدۇ.

ئەيدىز كېسىلى بىلەن يۇقۇملانغۇچىلاردا پۇت تەمرەتكىسى بولسا باشقىلارغا يۇقامدۇ؟

كۈندىلىك تۇرمۇشتا ئەيدىز كېسەللىكىدىن قورقىدىغان بەزى كىشىلەر دائىم ئەيدىز كېسىلى بىلەن يۇقۇملانغۇچىلار ئىشلەتكەن نەرسىلەرنى ئىشلىتىشتىن قورقىدۇ. ئۇنىڭ ئۈستىگە ئاممىۋى سورۇنلارنى دېزىنفېكسىيە قىلىش، تازىلىق تەدبىرلىرىدىن خاتىرجەم بولالماي، كۆڭلىدە گۇمان تۇغۇلسا، بۇ مەسىلىنى ھەل قىلىشنىڭ بىردىنبىر ئۇسۇلى شەخسىي تازىلىق قىلىش، شۇنىڭ بىلەن بىر ۋاقىتتا شەخسىي تازىلىق بۇيۇملىرىنى ئىشلىتىش.

ئەگەر بەزى تاسادىپىيلىقلار يۈز بېرىپ، بۇ خىل خەۋپتىن ئەندىشە قىلسا، ئۈچ-ئالتە ھەپتىدىن كېيىن ئەيدىز كېسىلى ئانتىتېلاسىنى تەكشۈرتۈش كېرەك.

نۇر تورىدىن ئېلىندى

بىلبىلىك

مەن بىر ۋوردپرەس ھەۋەسكارى ! ۋوردپرەسكە بولغان ئوتتەك قىزىقىشىم تۈپەيلى مانا ، بىلبىلىك بىلوگىنىمۇ مۇستەقىل قۇرۇپ چىقتىم . بۇ مېنىڭ توردىكى كەپەم ، ئارامگاھىم ، باغچام ، شۇنداقلا مېنىڭ تور دۇنياسىدىكى خاتىرە دەپتىرىم مەن بۇ يەرگە ئۆزۈمنىڭ ۋوردپرەسنى ئۆگىنىش جەريانىدا يولۇققان مەسىلىلەر ۋە ئۇنى قانداق ھەل قىلغانلىقىم ھەمدە تۇرمۇش تەسىراتلىرىم بىلەن تور دۇنياسىدىكى پايدىلىنىش قىممىتى بار دېگەن يازمىلارنى يىغىپ ساقلايمەن . شۇنىڭ بىلەن بىرگە سىزنىڭمۇ بۇ ئاددىي باغچامغا كېلىپ ئويناپ كېتىشىڭىزنى شۇنداقلا ۋودپرەس ھەۋەسكارلىرىنىڭ ۋوردپرەس ھەققىدە يولۇققان مەسىلىلەر ئۈستىدە تېخنىكا ئالماشتۇرىشىنى قىزغىن قارشى ئالىمەن !

مۇناسىۋەتلىك يازمىلار

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز

بۇنىمۇ كۆرۈپ بېقىڭ...
تاقاش
ئۈستىگە قايتىش كۇنۇپكىسى